Phystech.International олимпиадасы

25 қыркүйектен бастап 30 қарашаны қоса алған мерзімде Мәскеу физика-техникалық институты (мемлекеттік университет) оқушылар арасында физика мен математика пәндері бойынша «Phystech.International» атты халықаралық олимпиаданы өткізеді, іс-шара Тәуелсіз Мемлекеттер Достастығының істері, шетелде тұратын азаматтары мен  халықаралық гуманитарлық ынтымақтастығы жөніндегі федералды агенттігінің қолдауымен (Ресей ынтымақтастық ұйымы) өтеді.

Phystech.International олимпиадасының жүлдегерлері МФТИ-ге түсу кезінде қосымша артықшылықтарға ие болады.

МФТИ (Физтех) — Ресейдің алдыңғы қатарлы техникалық жоғары оқу орындарының бірі, ол жыл сайын халықаралық рейтингтерде өз орнын күшейтіп отырады. 2018 жылы Times Higher Education сәйкес МФТИ дамушы елдердің ең үздік университеттері қатарындағы Ресейдің екінші университеті болды. Сонымен қатар, ол QS и Times Higher Education нұсқаларына сәйкес физика мен computer science бойынша пәндік рейтингтер  бойынша ең үздік 100 университет қатарына кіреді. Superjob рейтинг мәліметтері бойынша МФТИ түлектері ІТ-саласында ең жоғары жалақы алатын мамандардың ішінде. Физтехтың түлектері арасында 10 нобель лауреаты, Forbes журналының ресей тізімінің 20 астам қатысушысы, сондай-ақ танымал ғалымдар мен кәсіпкерлер бар. Мысалы, Давид Ян (ABBYY компаниялар тобының негізін қалаушы және директорлар кеңесінің мүшесі), Сергей Белоусов (халықаралық Acronis ІТ-компаниясының негізін қалаушы), Николай Стронский (Revolut атты еуропаның болашағы зор финтех стартаптардың негізін қалаушылардың бірі) және басқалар. Әйгілі «Физтех жүйесі»: терең іргелі білім және нақты жобалар мен ғылыми-зерттеушілік қызметке қатысу. Түлектердің өздері Физтех оларға кез келген салада қандай да бір міндеттерді шешуге мүмкіндік беретін негізді бергенін атап өтеді.

МФТИ ерекшелігі оның бір уақытта математика пәнінен университеттік курстың және физика пәні бойынша университеттік курстың оқытылатындығын атап өту қажет. Содан кейін сондай-ақ нақты мамандық оқытылады. Бұл жағдайлар физика-математикалық кең көзқарасты қалыптастыруға, ой-өрісті кеңейтуге, әдістер мен әдістемелерді таңдауды қамтамасыз етуге, сондай-ақ жаңа физика-математика салаларын динамикалық тұрғыдан меңгеруге мүмкіндік береді.

Мәскеу физика-техникалық институтында келесі бағыттар бойынша дайындықты жүзеге асыратын 6 физтех-мектеп бар:

• Қолданбалы математика мен физика;
• Қолданбалы математика мен информатика;
• Жүйелі талдау мен басқару;
• Информатика мен есептеуіш техника;
• Қозғалыс пен навигацияны басқару жүйелері;
• Биотехнология;
• Терең ғылыми технологиялар мен инновациялар экономикасы;

және мамандықтар:

• Компьютерлік қауіпсіздік.

Олимпиаданы өткізу тәртібі.

Олимпиаданың қорытынды кезеңі математика мен физика пәндері бойынша бөлек оқушының жеке қатысуымен екі күн ішінде өтеді. Олимпиадаға қатысу тегін, Олимпиада орыс тілінде өтеді.

 Phystech.International олимпиадасынің қорытынды кезеңі өтетін күні мен уақыты төменде көрсетілген:

Математика – 2018 ж. 8 желтоқсан, 13:00

Физика – 2018 ж. 9 желтоқсан, 13:00

Тапсырмаларды орындау уақыты – 4 астрономиялық сағат.

Қорытынды кезеңге олимпиаданың онлайн турынан өткен оқушылар жіберіледі, ал РФММ оқушылары алдын-ала онлайн турдан өтпей жіберіледі.