Математика пәні бойынша Смағұлов атындағы олимпиада

6-7 сыныптарға арналған математика пәні бойынша Смағұлов атындағы олимпиада.

Математиканы насихаттау, дарынды балаларды ерте анықтау және  ынталандыру мақсаттарында әл-Фараби атындағы ҚазҰУ Механика-математика факультеті және «әл-Фараби» олимпиадаларға дайындау орталығы Алматы қаласының 6 және 7 сыныптарының оқушылары үшін математика пәні бойынша академик Шалтай Смағұлұлы Смағұлов атындағы олимпиаданы өткізеді.

2018 жылдың 28 қазанында Олимпиаданың І туры өтеді (2 сағат ішінде 20 тапсырма, оқушылар тек жауаптарды ұсыну қажет) және 2018 жылдың 11 қарашасында болатын І турының қорытындылары бойынша Олимпиаданың ІІ туры өтеді (3 сағатқа созылған жазбаша олимпиаданың 5 есептерін шешу, онда қатысушылар толық шешімдерді ұсынады). Олимпиадаға қатысу тегін. Жеңімпаздар дипломдармен және бағалы сыйлықтармен марапатталады.

Ш. С. Смағұлов – көрнекті ғалым, ұстаз, ғылым мен білім ұйымдастырушысы. Ол Қазақстанда есептеу математикасы және математикалық үлгілеу бойынша ғылыми мектепті құрды. Ол физика-математика ғылымдарының докторы, Қазақстан Республикасы Мемлекеттік сыйлығының лауреаты, өмірінің соңғы жылдары ол әл-Фараби атындағы ҚазҰУ Механика-математика факультетін басқарды. 2003 жылдың ақпанында ол мезгілсіз қаза болды, өзінің артында зор ғылыми мұра, артында ондаған оқушылар – ізбасарлар және жарқын естелік қалдырды.