Студенттер Сарайында Халықаралық Жәутіков Олимпиадасының ресми ашылуы

2018 жылдың 11 қаңтарында сағат 16.00 әл-Фараби атындағы ҚазҰУ-нің Студенттер сарайында Физика, математика және информатика пәндері бойынша ХІV  Халықаралық Жәутіков олимпиадасының салтанатты ашылуы өтті. Кеш бағдарламасында 15 елден келген 70 команда және халықаралық қазылар алқасы салтанатты таныстырылды.

Осы жылы дәстүрлі олимпиадаға Ресей,  Түркия, Индонезия, Беларусь, Болгария, Румыния, Сербия, Өзбекстан, Түркменстан және т.б. сияқты әлемнің 15 елінен келген 470-тен астам қатысушы қатысты.

Халықаралық Жәутіков олимпиадасы ҚР БҒМ бастамасымен өткізіледі.

Бұл олимпиаданың ерекшелігі – оның физика-математика бағытындағы мамандандырылған мектептер арасында бірден үш пән бойынша өткізілуінде.

Олимпиаданың қорытындылары бойынша жеке рейтинг, сондай-ақ мамандандырылған мектептердің ең күшті командаларының рейтингі шығарылатын болады. Олимпиаданың жеңімпаздары мен жүлдегерлерін құнды сыйлықтар күтеді.

Олимпиаданың мақсаты: оқушылар арасында физика-математика ғылымдарын насихаттау, халықаралық ынтымақтастықты дамыту, әр түрлі елдердің мамандандырылған мектептері арасында достық өзара қарым-қатынастарды орнату, олимпиадаларды ұйымдастырудың және өткізудің тәжірибесімен алмасу, сондай-ақ Қазақстанның білім және мәдениет деңгейін көрсету.

Олимпиаданың салтанатты жабылуы және қорытындыларды жариялау 2018 жылдың 15 қаңтарында сағат 16.00, әл-Фараби атындағы ҚазҰУ-нің Студенттер сарайында өтеді.

Қосымша ақпарат алу үшін келесі телефон нөмірі бойынша хабарласуды сұраймыз:

 «РФММ» КеАҚ баспасөз қызметі

Байболатов Данеш Аскарбекович  8707 675 25 55