«Рухани жаңғыру» үйірмесіне бір жыл

РФММ  «Рухани жаңғыру» үйірмесінің жұмыс істегеніне бір жыл болды.  Үйірменің мақсаты – жасөспірімнің жан әлемінің рухани жетілуімен және сапалы өзгеруіне көмектесу. Осы орайда 21 қыркүйек күні Алматыдағы Ұлттық аударма бюросының редакторлары Сәкен Сыбанбай және Есей Жеңісұлы оқушылармен  «Өзіңнің ішкі диалогыңа өмір сыйла!» атты тақырыпта шеберлік сабағын өткізді.

Айта кетейік, Ұлттық аударма бюросы Елбасының нақты тапсырмасымен «Рухани жаңғыру» бағдарламасы аясында әлемге әйгілі жоғары оқу орындарында көп оқылатын авторлардың психология, экономика, тіл және философия  саласындағы еңбектерін ағылшын тілінен бірден қазақ тіліне аударумен айналысады.  Кездесуді  Ұлттық аударма бюросының үйлестірушісі  Назгүл Қожабек пен үйірме жетекшісі Күнсая Ермекқызы  ұйымдастырды.

Шеберлік сабағында кәсіби мамандар  оқушылар жазған эссе бойынша олардың сан алуан сұрақтарына жауап беріп,  өмірлік сабақтарды түсінуде  жаңаша ойлаудың  маңыздылығын атап көрсетті.