«NAZARBAYEV UNIVERSITY» жазғы зерттеу бағдарламасының басталғаны туралы хабарлауға қуанышты

Жазғы зерттеу бағдарламасы

Nazarbayev University дербес білім беру ұйымы (бұдан әрі – Университет) жоғары сынып оқушыларына арналған Жазғы зерттеу бағдарламасының (бұдан әрі – Бағдарлама) іске асырылуы туралы хабарлауға қуанышты. Бағдарлама 2019 жылдың 17-28 маусымы аралығында Нұр-Сұлтан қаласында өтеді. Бағдарлама дарынды оқушылардың зерттеушілік қабілеттерін дамытуға, STEM білім беру бағдарламаларын насихаттауға, мансап мүмкіндіктерін ұсынуға бағытталған (№1 қосымшаны қараңыз).

Алдыңғы жылы, 2018 жылдың 16-30 маусымы аралығында осыған ұқсас бағдарлама әр түрлі қалалардан келген 200 НЗМ-нің 10 және 11 сыныптардың оқушыларына ұйымдастырылған еді. STEM пәндеріне бағытталған бағдарлама Университетте өткізілді. Қанағаттандыру сауалнамасына сәйкес қатысушылардың басым бөлігі жағымды тәжірибе жинады: олардың 80% бұл бағдарламаны сыныптастарына ұсынуға қалайтынын көрсетті.

Осы жылы Университет бағдарламаға қатысуға одан да көп дарынды жоғары сынып оқушыларын тартуды жоспарлап отыр, ол бағдарламаға қатысуға ниет білдірген Алматы қ. Республикалық физика-математика мектебінің ең көрнекті оқушыларына толық шәкіртақы ұсынуға шешті.

Бағдарламаның қатысушылары төменде келтірілген көрсеткіштерге сәйкес келуі керек:

• 10-11 сынып оқушысы (10 сыныптан 10 оқушы, 11 сыныптан 10 оқушы);
• Common European Framework of References for Languages (CEFR) сәйкес ағылшын тілінің деңгейі BI-B2;
• оқу жетістіктері жоғары;
• болашақта басты пәндер ретінде STEM пәндерін таңдаған оқушылар – олимпиадалардың және ғылыми жобалардың жеңімпаздары болуы қажет.

Жазғы зерттеу бағдарламасы туралы толығырақ ақпаратты келесі қосымшадан таба аласыз.