Жас физиктердің халықаралық турнирі IYPT-2020

Әлемдік жағдайдағы Covid-19-ға байланысты 33-ші IYPT осы жылдың 4 қыркүйегінен 8 қыркүйегіне дейін онлайн режимінде өтті. Грузия елінен жергілікті ұйымдастыру комитеті O-IYPT-2020 (http://www.iypt2020.ge/index.php) Discord-та ұйымдастырды.

Жас физиктердің халықаралық турнирі (IYPT https://www.iypt.org/ ) – бұл 9-11 сынып оқушыларына арналған командалық жарыс. Бірінші олимпиада 1988 жылы Мәскеуде өтті. Содан бері ол жыл сайын әлемнің әртүрлі елдерінде өтіп келеді. Әр команда бес жоғарғы сынып оқушыларынан және екі жетекшіден тұрады.

Турнир әлемдегі ең күрделі ғылыми жарыстардың бірі болып саналады. Халықаралық ұйымдастыру комитеті жарысқа дейін бір жыл бұрын 17 тапсырманы жариялайды, оларды шешу үшін көбінесе байланысты пәндерді білу қажет болады. Дайындық кезеңінде қатысушылар тәжірибелер жасап, теорияны талдайды, сарапшылармен кеңеседі және турнирде ұсынылатын баяндама жазады.

Жарыс барысында “Физикалық сайыс”деп аталатын пікірталастар өткізіледі. Әрбір команда кезекпен төрт рөлдің бірінде ойнайды: баяндамашы, оппнент, рецензент және бақылаушы. Бес іріктеу сайысынан кейін қорытынды сайысқа қатысатын финалистер анықталады.

Биылғы жылы осы жарыста біздің еліміздің атынан Алматы қ. РФММ келесі оқушылар: Шин Артем (11 “Д”), Конырбаев С. (10 “Д”), Кусаинов А. (10 “Д”), Искаков И. (10 “Д”) лайықты түрде қатысты және O-IYPT ұйымдастыру комитеті мен КХУ (Кутаиси Халықаралық университеті, Грузия) ректорынан алғыс пен сертификаттар алды. Біз сіздерді құттықтаймыз және мақтан тұтамыз, Жарайсыңдар!

Егер сіз осындай турнирлерге қатысқыңыз келсе, бізбен хабарласыңыз. Қазіргі уақытта біз 34-ші IYPT 2021 сайысына команда жинақтаудамыз.