Мерейтойың құтты болсын, сүйікті мектебім!

Қымбатты РФММ жанұясы!

1972 жылы 16 қазанда Қазақ КСР Министрлер Кеңесінің қаулысымен Республикалық физика-математика мектебі құрылды. Жыл сайын бұл мерейлі күнді РФММ-нің барлық түлектері, ардагерлері, қызметкерлері, ата-аналары және оқушылары атап өтеді. Биыл мектебіміз 50 жылдық мерейтойын атап өтіп, қазақстандық орта білімнің флагманы ғана емес, үлкен шаңырақ екенін тағы бір мәрте паш етті.

50 жылдық мерейтойды атап өту үшін бірқатар салтанатты және мектепшілік іс-шаралар өткізілді. Олар туралы алдағы күндері айтамыз. Осы ретте мектебімізге, ұжымға және барлық жанашыр жандарға амандық пен береке тілейміз!

Білім – бақытқа жеткізер шамшырақ!