«Мектеп мақтанышы – 2025»

23 мамыр күні РФММ-де жыл сайынғы игі дәстүрге айналған «Білімім – Отанымa!» атты салтанатты жиыны өтті. Оның барысында үздік оқушыларға мектебіміздің ең беделді марапаты — «Мектеп мақтанышы – 2025» төсбелгісі табысталды. Бұл — жай ғана марапат емес, бұл — маңдайдан тамған тердің, тынымсыз ізденістің, биік арманға деген адалдықтың өтеуі. Оны иеленген әрбір шәкірт – білім мен руханияттың шынайы жанашыры, мектебіміздің жарық жұлдызы. Әр марапаттың артында бағыт беріп, үміт сыйлаған, жүрегімен жетелеген ұстаздың еңбегі мен мейірімі тұр.

Салтанатты жиында тағы бір маңызды рәсім – мектептің алтын кілтін табыстау өтті. Осы оқу жылының Президенті, 11 «В» сынып оқушысы Қыдырбай Әбілмансұр кілтті келесі оқу жылының Президенті, 9 «G» сынып оқушысы Өмірзақ Саниятқа табыстады. Білім кілті – буын жалғастығының белгісі, аманат пен сенімнің көрінісі .

Бұл күн – қоштасу емес, жалғасу. Еңбектің еленген, үміттің жанған сәті ✨. Барша оқушыларға жарқын жаз бен жақсы демалыс тілейміз!