Математика, физика және информатика пәндерінің мұғалімдері мен тренерлерінің І Республикалық ашық шығармашылық байқауы туралы ақпарат

«Республикалық физика-математика мектебі» коммерциялық емес акционерлік қоғамы (бұдан әрі – «РФММ» КеАҚ) «Дарын» республикалық ғылыми-практикалық орталығымен бірге математика, физика және информатика пәндерінің мұғалімдері мен тренерлерінің І Республикалық ашық шығармашылық байқауын (бұдан әрі – Байқау) өткізеді. Байқау дарынды, шығармашылық жұмыс жасайтын мұғалімдерді және кәсіби құзыреттіліктерді оңтайлы меңгергенін көрсететін олимпиадалық резерв тренерлерін анықтауға, оларды қолдауға және мадақтауға бағытталған.

Байқау әрбір пән бойынша екі лигада өтеді: 1) меншік нысанына қарамастан орта білім беру ұйымдарының барлық түрлерінің мұғалімдері үшін, 2) мектептердің және білім беру орталықтарының олимпиадалық тренерлері үшін. Бірінші лигаға республикалық оқушылар олимпиадасының жүлдегерлерінің тәлімгерлері болып табылатын, апталық жүктемесі аптасына 10 сағаттан аз мұғалімдер; шетелдік мұғалімдер қатыса алмайды.

Байқау «РФММ» КеАҚ базасында математика, физика және информатика пәндері бойынша  Халықаралық Жәутіков олимпиадасы (2018ж. 11-14 қаңтар) кезінде келесі кестеге сәйкес өткізіледі:

Байқауға облыстық білім басқармалары, сондай-ақ Алматы қ. және Астана қ. білім басқармалары, НЗМ АБҰ және «РФММ» КеАҚ ұсынған мұғалімдер мен тренерлер қатысады, республиканың әрбір аймағы үшін квота – әрбір пәннің әрбір лигасы бойынша 1 адам (Алматы қ. үшін квота – 5 адам, қосымша білім беру орталықтары үшін квота ұйымдастыру комитетімен келісім бойынша).

Жүлделі орындарды алған жеңімпаздар мен жүлдегерлер Қазақстан Республикасы Білім және ғылым министрлігінің I, II, III дәрежелі дипломдарымен марапатталады.

Қатысушылардың іс-сапар шығыстары, 10 000 теңге мөлшеріндегі ұйымдастырушылық жарнасы жіберуші тараптың есебінен төленеді (ұйымдастырушылық жарнадан тек мемлекеттік меншік нысанының білім беру ұйымдарынан келген 1 лиганың қатысушылары босатылады).

Қаржылық шығыстарды қысқарту мақсатында Байқаудың қатысушыларын математика, физика және информатика пәндері бойынша XIV Халықаралық Жәутіков олимпиадасына қатысатын командалардың жетекшілері ретінде тағайындау ұсынылады.

Байқауға қатысу ерікті болып табылады, әрбір қатысушыға жеке код берілетін болады, қатысушы ол бойынша өзінің нәтижелерін біле алады. Байқаудың нәтижелері бойынша Қазақстан Республикасы Білім және ғылым министрлігіне аймақтар бойынша рейтинг ұсынылады.

Облыстық білім басқармаларының, Алматы қ. және Астана қ. білім басқармаларының, НЗМ АБҰ басшыларының қолы және мөрі қойылған өтінімдерді (нысан бойынша) осы жылдың 20 желтоқсанына дейін келесі электронды поштаға: info@fizmat.kz. жіберуіңізді сұраймыз. Сұрақтарыңыз болса, келесі телефондар бойынша хабарласыңыз: 8(727)3950120, +7-702-5972041.

Математика, физика және информатика пәндерінің мұғалімдері мен тренерлерінің І Республикалық ашық шығармашылық байқауына қатысуға

Өтінім

Положение Конкурс каз

Положение Конкурс рус