Ардақты ардагер ұстазымыз Әли Фатима Жұмағазықызы 95 жасқа толып жатыр

Әрбір адамның өзіне тән ғұмыр жолы, тіршілік баяны бар, бірақ еткен еңбек, көрген бейнет, татқан зейнет, алған асу, жеткен биік әркімнің өмірінде әрқилы. Тағдыр тарауында Ұлы Отан соғысының адамзат баласына әкелген алапат  зардабы пен Жеңіс күнінің қуанышты көз жасына, еліміздің  Тәуелсіздік жолындағы күресі мен аяғын нық басқан Егемен елдің өркен жайған алып бәйтерекке айналғанына да куә болған, қай дәуірде де өзінің биік кісілік келбеті мен  азаматтық тұлғасын жоғалтпаған, барлық саналы ғұмырын ұстаздық жолға арнаған ұлағатты Ұстаз, аяулы әже  болып отырған Сізді жүйрік уақыттың ұшқыр қанаты мағыналы ғұмырыңыздың биік бір белесі – 95 жасқа алып жетті. Ұстаз болу – адам бойындағы ұлы қасиеттердің бірі десек,  ендеше осынау үлкен ұғымдағы Ұстаздық қасиетке барынша адалдық танытып, Ел ертеңі болып табылатын ұландардың бойына білім мен өнерді, адамгершілік пен адалдықты, туралық пен шыншылдықты, рухани байлық пен ұлттық қасиеттерді сіңіріп, оларды тұлғалы азамат етіп қалыптастыруда атқарған Ерен еңбегіңіз үшін Сізге шексіз Алғыс айта отырып, мерейлі мерекеңіз – туған күніңізбен шын жүректен құттықтаймыз!

Құрметті Фатима Жұмағазықызы, Сіздің ғасырға жуық ғибратты ғұмырыңыз кейінгілерге үлкен өнеге. Тәліміңіз үзілмесін! Деніңізге саулық, басыңызға амандық тілейміз! Әрдайым бала-шағаңыздың қызық-қуанышына,  мейірімі мен махаббатына бөленіп жүре беріңіз!