BREAKTHROUGH JUNIOR CHALLENGE 2018 ғылыми бейнероликтер байқауы

The Breakthrough Prize Foundation қоры BREAKTHROUGH JUNIOR CHALLENGE 2018 атты оқушылардың ғылыми бейнероликтерінің кезекті байқауының басталуы туралы жариялады. Өтінімдерді қабылдау мерзімі 2018 жылдың 1 шілдесіне дейін ұзартылады.

Байқауға қатысуға бүкіл дүние жүзі бойынша 13 жастан 18 жасқа дейінгі оқушылар жіберіледі, ал қатысуға өтінімнің өзі ұзақтығы үш минуттан аспайтын шағын бейнеролик болады. Роликте үміткерлер математика, физика, химия, биология немесе медицина салалырынан қандай да бір концепцияны немесе теорияны түсіндіруі тиіс.

Қиын ғылыми идеяны барынша қарапайым және түсінікті түрде түсіндіре алған оқушы байқаудың жеңімпазы атанады. Оған әлемнің кез келген ЖОО білім алуға 250 000 $ құрайтын грант беріледі.

Breakthrough Junior Challenge байқауы 2015 жылы қыркүйекте Марк Цукерберг және Присцилла Чан, Юрий және Юлия Мильнермен құрылған. Ағылшын тілін талап етпейтін осыған ұқсас бірқатар ғылыми бейнероликтер байқаулары бар.

Бұдан бұрын РФММ 11 «Д» оқушысы Ұлан Бейсеновтің «Шеврон» компаниясының қолдауымен «Ғылым қоры» АҚ серіктестікте Британ Кеңесі өткізетін «Science Stars» ғылыми коммуникациялар байқауының финалға қатысушысы болғанын ескертеміз. Ол 419 адамнан іріктеліп, ғылыми коммуникациялар бойынша тренингтен өтті және Астана қаласында Назарбаев Университетінде 400 адамнан асатын дәрісханада «Science Stars» 2018 ғылыми коммуникациялар байқауының финалында сөз сөйледі. Оның үлгісі РФММ басқа да оқушыларын өз күштерін сынауға шабыттандырады деп үміттенеміз.