«Көктем Аруы-2022»
Қазақ халқы қашан да ұлын нарға, қызын арға балап, көңілінің дархандығын кең даласымен өлшеген. «Қызың өссе – өрісің» деп қызға ерекше құрмет көрсеткен. Бүгінгі қоғамда халқымыздың қыз бала тәрбиесіндегі қалыптасқан дәстүрін насихаттау басты назарда тұруы қажет.
Осы мақсатқа сәйкес және Алматы РФММ 50 жылдық мерейтойын тойлау аясында, 3 наурыз күні Алматы РФММ акт залында 8 сынып оқушылары арасында «Көктем аруы-2022» байқауы өткізілді. Аталған байқауға қатысуға ниет білдірген 9 ару қатысты.
Арулар төмендегі сайыстар бойынша сынаққа түсті:
«Сәлем – сөздің атасы» сахнада өзін-өзі ұстай білу мәдениетіне және берілген уақытта өзін-өзі таныстыру;
«Өнерлі өрге жүзер» сайысында өнерпаздық деңгейін бағалау, ән айту, би билеу, мәнерлеп өлең оқу бойынша өнерлері сыналды.
«Білгенге маржан» сайысында салт дәстүрлер мен мақал-мәтелдер бойынша танымдық сұрақтар бойынша білімі бағаланды;
«Қолөнер» атты қолөнер үлгісі бойынша сайыс, ою-өрнек, кесте тігу, ұршық иіру және дәмді тағамдар әзірлеу өнерін көрсету.
Таласқа толы байқауда ару қыздар өз өнерлерін барынша ортаға салып, жан-жақты қырларынан таныла білді. Сайыс соңында жеңімпаздарды әділқазылар құрамы анықтады.
Қазылар алқасының анықтауы бойынша, ерекше қырынан танылған арулар ретінде жеңімпаздар белгілі болып, марапаттауға ие болды. Байқауда жеңімпаз деп танылған арулар:
«Көктем аруы-2022» – 8 «А» сыныбының атынан қатысқан Булат Айзерек атанды. І-орынды «Инабатты ару» атанған 8 «К» сыныбының аруы Исаева Айзере иеленді. ІІ-орынды «Көрермен көзайымына» айналған 8 «С» сыныбының аруы Бүркітбай Нұрай жеңіп алса, ІІІ-орынды 8 «Н» сыныбының «Зерделі аруы» Лазар Ақманар иеленді.
- 8 «В» Алтынбекова Айнұр «Білімді ару»
- 8 «D» Жайсанова Айша «Көрікті ару»
- 8 «G» Амренова Сабина «Сымбатты ару»
- 8 «L» Тултанова Айжан «Өнерлі ару»
- 8 «M» Пазилханова Нурикамал «Сүйкімді ару»
Аруларды жеңісімен құттықтаймыз!
Сізге қызықты болуы мүмкін өзге де жаңалықтар:
Астанада АТМО және «Жібек жолы» халықаралық олимпиадалары өтті
Астана қаласында халықаралық математикалық олимпиадалар — XXXVIII Азия–Тынық мұхиты математикалық олимпиадасы (АТМО) және «Жібек жолы» халықаралық математикалық олимпиадасы өтті. АТМО қорытындысы бойынша Республикалық…
«Математикалық регата — 2026»: РФММ командасы I орын иеленді
2026 жылы өткен «Математикалық регата» республикалық олимпиадасының қорытындысы бойынша «РФММ» командасы үздік нәтиже көрсетіп, I орынды иеленді. Аталған беделді білім додасына «Республикалық физика-математика…
Алматы РФММ тренері бағдарламалаудан халықаралық чемпионаттың жүлдегері атанды
Алматы қаласындағы РФММ-нің информатика пәні бойынша жаттықтырушысы Қуанышбай Айбар спорттық бағдарламалау бойынша Central Asia Programming Championship 2026 халықаралық чемпионатында II орын иеленді. Жарыс…
Леонард Эйлер атындағы XVIII олимпиаданың қорытындысы бойынша Алматы қаласындағы РФМШ оқушылары жоғары нәтиже көрсетті
Леонард Эйлер атындағы XVIII олимпиаданың қорытындысы бойынша Алматы қаласындағы РФМШ оқушылары жоғары нәтиже көрсетіп, 1 күміс медаль, 3 қола медаль және 4 мақтау…
«Білім – инновация» лицейлерінде республикалық олимпиада өтті
2026 жылғы 21–25 наурыз аралығында Астана қаласы Білім басқармасының мамандандырылған «Білім – инновация» лицейлері базасында жаратылыстану-математикалық бағыттағы биология және физика пәндері бойынша Республикалық…
KzYPT 2026 — Қазақстанның Ұлттық іріктеуі
Құрметті оқушылар мен ата-аналар! Сіздерді Жас физиктердің халықаралық турниріне (IYPT) 2026 Қазақстанның Ұлттық іріктеуіне қатысуға шақырамыз! Бұл — физика саласындағы білімдеріңізді көрсетіп, Швейцариядағы…
Халықаралық астрономия және астрофизика олимпиадасы
Құрметті РФММ оқушылары! Қазақстан Республикасының Халықаралық астрономия және астрофизика олимпиадасы (IOAA) құрамасының резервіне іріктеу жарияланады. Іріктеуге физика, математика және астрономия пәндері бойынша жоғары…
Қостанайда республикалық пәндік олимпиада мәресіне жетті
19–24 наурыз аралығында Қостанай қаласында 9–11 сынып оқушыларына арналған Республикалық олимпиаданың қорытынды кезеңі өтті. Бұл – еліміздің барлық өңірінен 310 дарынды оқушыны біріктірген…
Жас математика мұғалімдерінің шығармашылық конкурсы қорытындыланды
2026 жылғы 23 наурызда Алматы қаласы Білім басқармасының «Алматы дарыны» орталығы, Қазақстан математика мұғалімдері қауымдастығы (QMMQ) және Beta High School бірлесіп ұйымдастырған 30…
Астанада 9–11 сынып оқушыларының республикалық зияткерлік додасы өтті
2–6 наурыз аралығында Астана қаласында 9–11 сынып оқушылары арасында экономика және қаржы пәндері бойынша республикалық олимпиаданың қорытынды кезеңі өтті. Республикалық физика-математика мектебінің оқушылары…



















