KhIMIO 2025 олимпиадасында РФММ оқушысы күміс медаль жеңіп алды

5–9 қараша аралығында Тәжікстан астанасы – Душанбеде өткен KhIMIO2025 халықаралық математика және информатика олимпиадасында РФММ-нің Алматы мектебіндегі 8 сынып оқушысы Оразбек Темір математика пәнінен КҮМІС МЕДАЛЬ жеңіп алды!

Қазақстан намысын 14–15 жас (7–8 сынып) және 16–18 жас (9–11 сынып) аралығындағы дарынды оқушылар қорғады. Қазақстан құрамасы жоғары нәтиже көрсетіп, 8 бірдей медаль еншіледі.

10 елдің үздік оқушыларымен білім сайысына түскен Темір терең білімін, логикалық ойлау қабілетін және мықты дайындық деңгейін дәлелдеді. Олимпиада бірнеше тілде – ағылшын, орыс және тәжік тілдерінде өтіп, қатысушылар теориялық және практикалық турларда бақ сынасты.

Жас зияткерлеріміздің осындай биіктерді бағындыра беруіне тілектеспіз!