Интернаттық ұйымдарда сыныптан тыс және сабақтан тыс жұмыстарды ұйымдастыру және өткізу

28 сәуір күні Республикалық физика-математикалық мектеп-интернат тәрбиешілері «Өрлеу» біліктілікті арттыру ұлттық орталығы АҚ республикалық кәсіби даму институты тыңдаушыларына арнап «Интернаттық ұйымдарда сыныптан тыс және сабақтан тыс жұмыстарды ұйымдастыру және өткізу» атты семинар өткізді. Жиында көшпелі тәжірбиелік сабақ жүргізгендер: интернат меңгерушісі Қалдыбаев Ербол Омарұлы, «Педагогика» бірлестігінің жетекшісі Телебаева Лаура Сыдыққызы, тәрбиешілері: Мақсұтова Гүлмира Жарылқапқызы, Айтуарова Манат Бодаубайқызы және «Аяулы балапан» қайырымдылық үйірме жетекшісі Сетербаева Айгүл Дюсетайқызы. Таңдалған тақырыптарымыз тәрбиенің тұжырымдамалық негіздеріне сәйкес сегіз негізгі бағыт бойынша және Біріккен Ұлттар Ұйымының 17 тұрақты даму мақсаты бойынша  жүзеге асырылатыны айтылды. Оқылған тақырыптарымыз: «Үш одақ» «Орта білім беру ұйымдарында гендерлік тәсілді іске асыруда жеке тұлғаның әлеуетін дамыту». «Сыныптан тыс жұмыс – үйірме жұмысы. «Аяулы балапан» үйірмесі негізінде».

Өрлеу орталығынан Көмекова Сандуғаш Оралханқызы, Айгүл Аманжолқызы лекторларының бастауымен келген дарынды балаларға арналған қазақ тілі мен әдебиеті бағытындағы Абай мектеп интернаты,  17, 15,  10,  мектеп-интернаттар тәрбиешілеріне біздің тәжірбиеден алары көп екені жайлы айтып, рефлексия кезінде жаңартылған білім жағдайында тәрбиеленушілердің бойына жоғары қазақстандық патриоттық сезімі бар, рухани-адамгершілік ұстанымы қалыптасқан, шығармашыл, бәсекеге қабілетті тұлға тәрбиелеп отырғанымызды айтты. Қазақтың “баланы сөзіңмен емес, ісіңмен тәрбиеле” деген ұлағатты сөзін ту етіп ұстаған әрбір тәрбиешінің жүрегі жұмсақ, өз ісіне адал, еңбекқор, жауапкершілігі мол. Білімі мен білігін қатар шыңдап, іс-жүзінде көрсетіп, оқушылардың ыстық ықыласына бөленіп жүрген тәрбиешілеріміз әлі үлкен семинарлар ұйымдастырып, биіктен көрінеді деп сенеміз.