INFOMATRIX-ASIA 2019

10 сәуірден бастап 14 сәуірді қоса алғанда Сүлейман Демирель Университеті негізінде INFOMATRIX-ASIA 2019 атты VI Халықаралық жобалар байқауы өтті. INFOMATRIX — бұл әлемдегі ең үздік IT студенттерін бірге жинау талпынысына негізделген компьютерлік жобалардың халықаралық байқауы. Осы жылы Алматы РФММ мектебінің атынан Computer programming бағыты бойынша 11 сыныптың оқушысы Бекмұхамед Таев қатысты, ол Қазақстан-Британ техникалық университетінің грантын жеңіп алды және алтын медальмен марапатталды.

Бекмұхамедтің жобасында смартфондарға арналған «AID» ұялы қосымшасының әзірлемесі ұсынылды, бұл қосымша күрделі ауруларды емдеуді қажет ететін балаларды қолдау үшін жасалған. Аталған ұялы қосымша ауыр сырқатталған балаларға көмектесуге арналған. Бағдарламалық өнім толықтай коммерциялық емес жоба болып табылады, бұл қайырымдылық қызметке қатысу үшін өте ыңғайлы әлеуметтік-ұялы қызмет, оны кез келген қайырымдылыққа бей-жай емес адам қолдана алады.

Емдеуді қажет ететін баларға көмек көрсетуге ниет білдірген кез келген адам бұл қосымшаның көмегімен онлайн түрінде қайыр жасай алады. Сондай-ақ онда балалардың болашақ тағдыры туралы ең өзекті жаңалықтарды алу мүмкіндігі қарастырылған, пайдаланушылар бүкіл үрдісті бақылауға мүмкіндік беретін хабарламаларды тұрақты түрде алып отырады.

Жас ұрпақтың тек ғылыммен ғана шұғылданбай, сондай-ақ қайырымдылыққа және біздің қоғамымыздың мәселелеріне қызығушылық білдіретіндігі қуантады. Себебі жас ұрпақ біздің елдің қазіргі жағдайын және болашағын анықтайды.

Бекмұхамедті жеңісімен құттықтаймыз және оған болашақ жеңістер тілейміз!