«IMPACT STUDENTS» республикалық олимпиадасы

2025 жылғы 17 мамыр күні «Республикалық физика-математика мектебі» КеАҚ ұйымдастыруымен алғаш рет «IMPACT STUDENTS» республикалық олимпиадасы өтті.

Білім беру саласындағы маңызды жаңа жобаны жүзеге асыруға Қазақ ұлттық қыздар педагогикалық универитеті мен Берік және Баян Каниевтер жеке қоры қолдау білдіріп, зор үлес қосты.

«IMPACT STUDENTS» олимпиадасы жоғары оқу орындарының 3-4 курс студенттеріне арналған.  Интеллектуалдық додада болашақ педагогтер математика, физика, информатика және бастауыш оқыту әдістемесі бойынша білімдерін сынады.

«IMPACT STUDENTS» республикалық олимпиадасына еліміздегі Абай атындағы ҚазҰПУ, Әл-Фараби атындағы ҚазҰУ, Қазақ Ұлттық қыздар педагогикалық университеті, Сүлейман Демирел атындағы университет, Қожа Ахмет Ясауи атындағы Халықаралық Қазақ-Түрік Университеті және тағы басқа жоғары оқу орындарынан 70-ке жуық студент пен магистрант қатысты.

Олар өздері білім алып жатқан мамандық бойынша арнайы әзірленген олимпиада тапсырмаларын орындап, «Республикалық физика-математика мектебі» КеАҚ-ның тәжірибелі педагогтары өткізген шеберлік сағаттарына қатысуға мүмкіндік алды. Сонымен қатар, РФММ жұмысын ұйымдастыру ерекшеліктерінің қыр-сырымен танысты.

Олимпиада жүлдегерлері I, II, III дәрежелі дипломдармен және ақшалай сыйлықтармен марапатталды және барлық қатысушыға сертификат табысталды.

‍ Бастауыш оқыту әдістемесі:

• Әбдінұр Айдана — Қазақ ұлттық қыздар педагогикалық университеті, 1-орын;
• Ералы Назерке — Қазақ ұлттық қыздар педагогикалық университеті, 2-орын;
• Халилуллаева Наргиз — Қазақ ұлттық қыздар педагогикалық университеті, 3-орын;
• Жандосқызы Әсем — Қазақ ұлттық қыздар педагогикалық университеті, 3-орын.

Физика:

• Естемесов Диас — SDU, 1-орын;
• Самат Еламан — SDU, 2-орын;
• Талғатов Ерасыл — SDU, 2-орын;
• Бақтөреев Жансерік — SDU, 3-орын.

Информатика:

• Әбдірәсіл Айдана — Қазақ ұлттық қыздар педагогикалық университеті, 1-орын;
• Абдирасулова Айзада — SDU, 2-орын;
• Сайлау Аяжан — Қазақ ұлттық қыздар педагогикалық университеті, 3-орын;
• Баймағамбет Назерке — Абай атындағы Қазақ ұлттық педагогикалық университеті, 3-орын;
• Рақатова Әсем — Қазақ ұлттық қыздар педагогикалық университеті, 3-орын.

➗ Математика бағыты:

• Ағабек Аяулым —1-орын;
• Слямгазинова Еркежан — SDU, 2-орын;
• Алтыбай Әсемай — SDU, 3-орын;
• Абитаев Нурдаулет — Абай атындағы Қазақ ұлттық педагогикалық университеті, 3-орын;
• Юлдашева Комила — Қожа Ахмет Ясауи атындағы Халықаралық қазақ-түрік университеті, 3-орын.