Коммерциялық емес акционерлік қоғам Республикалық
физика-математика мектебі
16
Jan
24

Мерейтойлық ХХ Халықаралық Жәутіков олимпиадасында бәске 344 медаль тігілді



2024 жылғы 13 қаңтарда “Алматы театр” ғимаратында математика, физика және информатика пәндері бойынша ХХ Халықаралық Жәутіков олимпиадасының салтанатты жабылуы өтті. Оған әлемнің 16 елінен 700 оқушы қатысты. Қазақстан Республикасының Оқу-ағарту Министрі Ғани Бейсембаев  құттықтау сөз сөйледі.

«Олимпиада 20 жылдан бері ғылыми қызығушылықтарды дамытып, іргелі білімнің брендіне айналған Республикалық физика-математика мектебінің базасында өткізіліп келеді. Бұл білім ошағында көрнекті ғалым-математик, академик Орымбек Ахметбекұлы Жәутіковтың жетекшілігімен дарынды математиктердің тұтас буыны өсті. Сондықтан олимпиадаға  осы ұлы ғалым мен ұстаздың есімі берілді. Бүгінде ол әлемнің түкпір-түкпірінен жүздеген талантты мектеп оқушыларын жинады. Олимпиада білім бәсекесіне айналып қана қоймай, қазақ мәдениеті мен дәстүрі әлеміне есік ашты. Қазақ халқының қонақжайлылығы мен ізгі ниеті олимпиаданың барлық қатысушылары мен қонақтары үшін ұмытылмастай есте қалды», – өз сөзінде ҚР Оқу-ағарту Министрі Ғани Бейсембаев атап өтті.

«Жаңа эмоциялар, жаңа әсерлер, қызықты сәттер, күрделі есептер мен Қазақстан жеріндегі жаңа достарға толы апталық осымен аяқталды. Алматы қаласының неше дүркін бойы осы олимпиаданы қабылдағанына қуаныштымын және де ол сіздердің өмірлеріңізде лайықты орын алатынына сенімдімін. Мұнда сіздер өздеріңізді сыннан өткізіп, ал көпшілігіңіз бірінші рет жеңіске жеттіңіздер», – деді РФММ КеАҚ директорлар кеңесінің төрағасы Берік Қаниев өз сөзінде.

Халықаралық қазылар алқасына 7 елдің мамандары қатысты: Қазақстан, Ресей, Армения, Беларусь, Оңтүстік Корея, Қытай, АҚШ. Олимпиаданың халықаралық қазылар алқасының төрағасы – Қазақстан Республикасы Президентінің ҚР Ұлттық Ғылым академиясының вице-президенті, академик Асқар Жұмаділдаев.

Олимпиадаға Қазақстан, Әзірбайжан, Армения, Беларусь, Ресей, Қырғызстан, Өзбекстан, Болгария, Тәжікстан, Моңғолия, Грузия, Сербия, Түркия, Түрікменстан, Румыния және Индонезия сынды 16 елден 700-ге жуық оқушы қатысты.

Барлығы үш пән бойынша 344 қатысушы жүлдегер атанды. Бас жүлдеге Санкт-Петербург қаласынындағы № 239 Президенттік физико-математикалық лицей командасы ие болды. Бірінші орынды Мәскеу қаласындағы Овчинников В.Ф. атындағы «Екінші мектеп» лицейі иеленді, екінші орынды Тбилиси қаласындағы Комаров Л.В. атындағы № 199 спецмектеп және Долгопрудный қаласындағы Капицы П.Л. атындағы «Физтех-лицей» бөлісті, үшінші орынды Минск қаласындағы БМУ лицейі, София қаласындағы Sofia High School of Mathematics, Долгопрудный қаласындағы Капицы П.Л. атындағы «Физтех-лицей» және Алматы қаласындағы РФММ бөлісті.

Қазақстандық оқушылар 109 медаль (10 алтын, 43 күміс, 56 қола) жеңіп алды.

Гран-при жеңіп алған команданың барлық мүшелеріне кубок және Lenovo ноутбуктары табысталды. Барлық жүлдегерлер дипломдармен және бағалы сыйлықтармен марапатталды.

Әр пән бойынша үздік нәтиже көрсеткен қатысушылар Нұрлан Қаппаров атындағы қордан арнайы сыйлықтар алды: математикадан Нұрлан Қаппаров атындағы сыйлықты Давид Клдиасшвили (Грузия), физикадан Әділет Имамбеков атындағы сыйлықты Даниил Гаврилов (Россия) және информатикадан Илья Сегалович атындағы сыйлықты Борис Михов (Болгария) алды.

Қыздар арасындағы ең жоғары нәтижелер де марапаттарға ие болды. Олар: математика пәні бойынша Беларусьтан Марина Ильина, физика пәні бойынша Румыниядан Куреа Александра-Мария, информатика пәні бойынша Ресейден Алена Иванова.

Қазақстандық оқушылар арасында үздік нәтиже көрсеткені үшін математикадан Амирлан Аманжолов (Алматы қ. РФММ), физикадан Артур Ким (Ақтөбе қ. БИЛ) және информатикадан Мансур Мамадахунов (Қызылорда қ. БИЛ) арнайы сыйлықтармен марапатталды.

Ауыл оқушылары арасында математика пәнінен үздік нәтиже көрсеткені үшін Аділхан Ержанов (Бородулиха ауылы), физика пәнінен Ерсултан Есенгали (Алмалыбак ауылы) марапатталып сыйлықтар табысталды.

Өзбекстаннан келген ең жас қатысушы Азизбек Мамаджанов математикадан алтын иеленді.

Халықаралық Жәутіков олимпиадасы ҚР Оқу-ағарту министрлігінің, Алматы қаласы әкімдігі және “Дарын” РҒПО қолдауымен өткізілді. Республикалық физика-математика мектебі осы іс-шараның сәтті өтуіне үлкен үлес қосқан сенімді серіктестері мен демеушілеріне, соның ішінде олимпиаданың бас демеушілері Lancaster group, Freedom Holding Corp., “Freedom Шапағат” корпоративтік қоры, корпоративтік демеушілер Almaty Theatre, ресми демеушілер Fizmat Endowment Fund, ADD Invest Properties, TAS Group, «Аssyltas» қоғамдық қоры және олимпиада серіктестері Kapparov Foundation және Lenovo AvtoPark, SKILL MATRIX, UMAG и Zapis.kz. компанияларына үлкен алғысын білдіреді.

Олимпиаданың ресми нәтижелері олимпиада сайтында қолжетімді: https://izho.kz.

Айдарлар

    Сізге қызықты болуы мүмкін өзге де жаңалықтар:

    26
    Apr
    25

    Қабылдау емтиханы 27 cәуір күні өтеді

    ХАБАРЛАНДЫРУ! Республикалық физика-математика мектебіне 7-сыныпқа қабылдау емтиханы 2025 жылғы 27 сәуірде өтеді. Қабылдау емтиханы Қазақстанның 7 қаласында – Астана, Алматы, Шымкент, Ақтау, Атырау, Түркістан және Оралда ұйымдастырылады. Рұқсатнама барлық…

      21
      Apr
      25

      Емтихан алдында бланк жаттығуы

      Құрметті оқушылар мен ата-аналар! Негізгі емтиханға қатыспас бұрын жауап парағын толтыру тәртібімен алдын ала танысып, жаттығу жүргізуді сұраймыз. Жауап парағын дұрыс толтыру ережелері:…

        17
        Apr
        25

        ҚЖО іріктеу кезеңінің нәтижелері

        Құрметті ҚЖО қатысушылары! Қорытынды кезең 2025 жылғы 9-10 мамырда Алматы және Астана қалаларындағы РФММ базасында өтеді. Қорытынды кезеңге өткен қатысушыларға 2025 ж. 25…

          14
          Apr
          25

          Хабарландыру

          Құрметті қатысушылар! Қалалық Жәутіков Олимпиадасының (ҚЖО) іріктеу кезеңінің нәтижелері 17 сәуірде мектебіміздің сайтында жарияланады. Қатысқандарыңыз үшін алғыс білдіреміз, барлық қатысушыларға сәттілік тілейміз!

            14
            Apr
            25

            BOLT.M3 командасы халықаралық жарыста Connect Award марапатына ие болды

            Алматы қаласындағы Республикалық физика-математика мектебінің @bolt.m3 командасы АҚШ-тың Массачусетс штаты, Спрингфилд қаласында өткен New England Premier Event халықаралық жарысында жоғары нәтижеге қол жеткізіп,…

              14
              Apr
              25

              «Педагогикалық шеберлікпен бөлісу: Республикалық физика-математика мектебі ұстаздарының тәжірибесі» атты қалалық тәжірибелік-семинар өтті.

              12 сәуір күні Алматы қаласындағы “Республикалық физика-математика мектебі” КеАҚ базасында «Өрлеу» біліктілікті арттыру ұлттық орталығымен бірлесе отырып, «Педагогикалық шеберлікпен бөлісу: Республикалық физика-математика мектебі…

                11
                Apr
                25

                Қалалық жәутіков олимпиадасына тіркелген қатысушылар тізімі

                Құрметті қатысушылар! Жарияланған тізімнен өзіңіздің электрондық поштаңызды тексерулеріңізді сұраймыз. Нұсқаулық пен тапсырма дәл сол көрсетілген электрондық поштаңызға жіберіледі. Егер электрондық поштаңызда қате барын…

                  04
                  Apr
                  25

                  ҚАЛАЛЫҚ ЖӘУТІКОВ ОЛИМПИАДАСЫ 2025!

                  2025 жылғы 12 сәуірде: математика (6-8 сынып) физика (7-8 сынып) информатика (6-8 сынып) пəндері бойынша мектеп оқушылары арасында XXV ашық қалалық Жəутіков олимпиадасының іріктеу…

                    31
                    Mar
                    25

                    Haileybury Almaty мектебінде 9-11 сынып оқушылары арасында математика және география пәндерінен республикалық олимпиада өтті

                    23-28 наурыз аралығында Haileybury Almaty мектебінде 9-11 сынып оқушылары арасында математика және география пәндерінен республикалық олимпиада өтті. Алматы қаласындағы Республикалық физика-математика мектебінің (РФММ)…

                      31
                      Mar
                      25

                      XVІI Эйлер Олимпиадасының финалдық кезеңі өтті

                      25-27 наурыз күндері Алматы қаласында, әл-Фараби атындағы ҚазҰУ-дың механика-математика факультетінде, XVІI Эйлер Олимпиадасының финалдық кезеңі өтті. Бұл сайысқа Қазақстанның әр өңірінен келген аймақтық…