Мырза Ұлықбек атындағы физика мен астрономия бойынша І Халықаралық олимпиада

2018 жылдың 19-23 маусымы аралығында Өзбекстанның Самарқанд қаласында Мырза Ұлықбек атындағы физика мен астрономия бойынша I халықаралық олимпиада өтті. Барлығы келесі 4 елден: Өзбекстан, Қырғызстан, Түрікменстан және Қазақстаннан келген 6 команданың құрамында 33 қатысушы олимпиадаға қатысты. Біздің елдің атынан келесі 2 команда: Шымкент қ. ХББ НЗМ және Алматы қ. РФММ қатысты.

РФММ құрама командасы Нұрғали Қойшыбаев атындағы олимпиаданың және Республикалық астрономиялық турнирдің нәтижелері бойынша құрылды. Бұл – негізінен халықаралық олимпиадаларға қатысу тәжірибесі қажет болашағы зор оқушылар. Команда екі 8 сынып оқушысынан, екі 9 сынып оқушысынан және екі 10 сынып оқушысынан құралды, осы ретте олардың қарсыластары негізінен 10 және 11 сыныптардың оқушылары болды.

Өзбек жағының олимпиада қатысушыларын өте жылы қарсы алғанын атап өту қажет.  Самарқанд вокзалында балаларды ең қымбат қонақтар ретінде үрмелі ұлттық аспаптардың сүйемелдеуімен жанды дәліз жасап, нанмен, жаңғақтармен және кептелген жемістермен қарсы алды. Қатысушыларға қала бойынша қозғалыс кезінде МАИ қызметкерлері және жедел жәрдем қызметі ілесті, осы ретте Алматы қаласына мемлекеттердің жоғары лауазымды тұлғалары келгендей көшелер бұғатталды.

Қонақтарға тарихы 2500 жылдан асатын қаланың негізгі сәулет және рухани көрікті жерлерін көрсетуге ұмтылды. Қатысушыларды қаланың орталығында орналасқан жайлы қонақүйде орналастырды. Олимпиаданың өзі және негізгі іс-шаралар Самарқанд мемлекеттік университетінің негізінде өтті.

Олимпиаданың форматы Халықаралық Жәутіков олимпиадасын (ХЖО) өткізу форматына ұқсайды. Тіпті қазылар алқасының құрамында ХЖО қазылар алқасының екі дәстүрлі мүшесі болды.

Олимпиаданың нәтижелері бойынша РФММ келесі екі қатысушысы медальдармен марапатталды: Телман Ерасыл, 10 сынып – қола және Амангелді Ислам, 9 сынып – күміс.

Жүлдегерлерді құттықтаймыз және барлық қатысушыларға болашақ жеңістер тілейміз!

Бейне