Еліміздің Бас ұстазы Ғани Бейсембаев Алматыдағы Республикалық физика-математика мектебінің педагогтарымен және Халықаралық олимпиада жеңімпаздарымен кездесті.

Еліміздің Бас ұстазы Ғани Бейсембаев Алматыдағы Республикалық физика-математика мектебінің педагогтарымен және Халықаралық олимпиада жеңімпаздарымен кездесті.

Министр мектептің жаңа ғимаратының құрылысымен де танысып, оған оң бағасын берді.

Мектептің интернаты мен мұражайы және Zertte studio зертханасына да экскурссия жасалды.

Бұл күні ардагер ұстаздар мен халықаралық олимпиада жеңімпаздары Министрмен емен-жарқын әңгімелесіп, көкейде жүрген сауалдарын қоюға мүмкіндік алды. Бас ұстаз бірде-бір мұғалімнің сұрағын жауапсыз қалдырмады.

Атақты мектептің танымал түлегі, академик Асқар Жұмаділдаев мырза болса, дарынды оқушылардың жетістіктерін айрықша атап өтті.

Оқу сапасын жақсарту, жаңа әдіс-тәсілдер енгізу, мектеп инфрақұрылымын дамыту жайлы келелі пікірлер мен ұтымды ұсыныстар да ашық айтылды.

«Fizmat Endowment» қорының президенті Әсет Алтыбаев РФММ-нің болашағы мен білім беру жобаларын қаржыландыруға қатысты ойын ортаға салды.

Министр Ғани Бейсембаев Алатау бөктеріндегі әлемге танымал мектептегі кездесуді: “Мемлекетті алға сүйрейтін – білімді, ойлы, елге жанашыр жастар. Бізге халқының қамын ойлайтын, елінің болашағына бейжай қарамайтын азаматтар қажет,” – деген келелі сөзбен қорытындылады.

Мұғалімдер үшін мәнді, оқушылар үшін ойлы жүздесудің нәтижесі білім белесіндегі жаңа жетістікке жеткізетіндігі анық.