Қазақстан халқының бірлігі күні

Жайма-шуақ мамыр айының үшінші жұлдызында Алматы РФММ стадионында Қазақстан халқының бірлігі күні және мектебіміздің 50 жылдық мерейтойының аясында ашық аспан астында «FIZMAT EXPO-2022» Қазақстан халықтарының мәдени жәрмеңкесі өтті.

Жәрмеңкеде 7-10 сынып оқушылары басым көпшілікке өздеріне бөлініп берілген халықтардың мәдениетін, тарихын және ұлттық асханасын таныстырды. Оқушыларымыз ұлттық киім киіп, ұлттық тағамдар әзірлеп, өздерінің жан-жақты екендерін тағы да дәлелдеді. Ал әділ қазылықтың тізгіні бітіруші түлектеріміз 11 сыныптарға берілді.
Жәрмеңкеден кейін мектеп акт залында мерекелік концерт басталды. Концертте оқушылар 4-5 тілде әсем ән шырқап, өнерсүйер қауымның құлақ құрышын қандырды. Мың бұралған бишілер түрлі би билеп, сахналық көріністер қойылды.

Оқушыларымыз елімізде тұрып жатқан түрлі ұлттар мен халықтардың тарихын, олардың мәдениетін сыйлайтындықтарын көрсетті. Әр іс-шараға, мектептің қоғамдық өміріне белсене арласып жүрген сынып жетекшілері, оқушылар және ата-аналарға алғысымзды білдіреміз.

Еліміз аман, жұртымыз тыныш болып, бірлігіміз нығая түссін! Мереке құтты болсын!

Суреттер сілтеме бойынша: https://drive.google.com/drive/folders/1uNuueCyWTTU-pRm2ymTGIAGlWcfSuyrD