CPFED CodeGirls бағдарламалау олимпиадасының қорытынды кезеңінің нәтижелері

CPFED CodeGirls бағдарламалау олимпиадасының қорытынды кезеңінің нәтижелері

2026 жылғы 1 наурызда Astana IT University базасында қыздар арасындағы спорттық бағдарламалау бойынша республикалық CPFED CodeGirls олимпиадасының финалдық кезеңі өтті.

Олимпиаданы Қазақстанның спорттық бағдарламалау федерациясы Astana Hub және Freedom Holding Corp серіктестерінің қолдауымен ұйымдастырды. Финалға еліміздің әр өңірінен іріктеу кезеңінен сәтті өткен 40 үздік мектеп оқушысы қатысты.

CPFED CodeGirls — қыздар арасындағы информатикадан Еуропалық олимпиадаға (EGOI 2026, Италия) қатысатын Қазақстан құрамасын қалыптастыруға арналған ұлттық іріктеу турнирі. Финал қорытындысы бойынша 12 үздік қатысушы оқу-жаттығу жиындарына шақырылып, сол жерде 4 оқушыдан тұратын ұлттық құраманың соңғы құрамы анықталады.

Республикалық физика-математика мектебінің оқушылары жоғары нәтижелер көрсетіп, барлық жүлделі орындарды иеленді:

Алтын медаль — 1
Күміс медаль — 1
Қола медаль — 1

Айта кету керек, жүлдегерлердің екеуі CodeGirls 2024 олимпиадасының да жүлдегерлері болып, дайындық деңгейінің тұрақты түрде жоғары екенін тағы бір мәрте дәлелдеді.

Оқушыларымызды жоғары нәтижелерімен шын жүректен құттықтаймыз! Оқу-жаттығу жиындарынан сәтті өтіп, халықаралық аренада ел намысын абыроймен қорғауына тілектеспіз.