Математика декадасының төртінші күні

Дүйсенбі ауыр күн болып саналғанымен, 8 В және 9 В сыныптары үшін ол математика пәні мұғалімдері Омар Мәден мен Саякова Бибигуль Муратбековнаның арқасында өте қанық және қызық өтті. Алгебра пәні бойынша «Иррационал теңсіздіктерді шешу» ашық сабағында (Саякова Б. М.) бұл сыныптың оқушылары өзін көрсете білді,  өздерінің оқу-танымдық, коммуникативті және ақпараттық құзыреттілігін, сондай-ақ өздерінің жеке даму құзыреттілігін дамыта алды. Осы сабақтың «ерекшелігі» тек қызықты есептер ғана емес, сондай-ақ нақты әзірленген бағалау өлшемдері болды, олар 9 В сыныбының оқушыларына сабақтың соңында «Иррационал теңсіздіктерді шешу» тақырыбы бойынша өз деңгейін анықтауға мүмкіндік берді.

8 В сыныбында алгебра пәні бойынша «Санды теңсіздіктер қасиеті» ашық сабағы (Омар М.) оқушылардың аналитикалық қызметімен есте қалды, олар мұғалімнің оқушылардың субъектті тәжірибесін сауатты қолдану арқасында сандық теңсіздіктердің қасиеттерін өз бетімен дәлелдей алды.

Күннің екінші жартысы 10 Д және Е сыныптарының оқушылары үшін қанық өтті – оларда математика пәні бойынша ғылыми конференция болды (мұғалімдер Есмагамбетова Л. А., Байсуйеуева Ж. Н.); сондай-ақ 9 Д және Ж сыныптарының оқушылары үшін қызықты өтті – оларға сызу мұғалімі С. А. Жамишеваның басшылығымен 11 Д сыныбының оқушысы Алмас Аширимбетов сызу бойынша викторина өткізді.