Asian Youth Chess Championship 2023 шахматтан Азия чемпионаты

12-22 желтоқсан аралығында Эль-Айн қаласында (БАӘ) Asian Youth Chess Championships 2023 шахматтан Азия чемпионаты өтті. Бұл іс-шара континенттің түкпір-түкпірінен ең талантты жас шахматшыларды жинады, онда олар ойынның ең жоғары деңгейін көрсетті. Ресей биыл Азия федерациясына кіргендіктен, күрес одан да бәсекеге толы болды.

Алматы және Астана қалаларының Республикалық физика-математика мектебінің оқушылары жүлделі орындарға таласып, Қазақстанды лайықты таныстыра алды. 14 жасқа дейінгі санатта (U14) басты қатысушылардың бірі Алматы қ. РФММ 8-сынып оқушысы Мамедов Эдгар болды. Ол ойынның жоғары деңгейін көрсетті және өзінің жас тобында рапидтен Азия чемпионы атанды. Эдгар сонымен қатар 14 жасқа дейінгі санаттағы классикалық ойында екінші орынға ие болып, өзінің шеберлігі мен партияларда стратегиялық шешім қабылдау қабілетін растады.

Сондай-ақ, оның сыныптасы Дәулет Әлиханның ойынын атап өткен жөн, ол классикада төртінші орын алып, 14 жасқа дейінгі жас санатында блицте қазақстандық қатысушылар арасында үздік нәтиже көрсетті.

16 жасқа дейінгі санат (U16) да керемет нәтижелерге қол жеткізді. Астана қ. РФММ шахматшысы Сүлеймен Ерғали ұпай бойынша 1-3 орынды бөлісті, бірақ қосымша көрсеткіш бойынша рапидтік ойында үшінші орынды иеленді. 4 орында, Ахилбай Иманғали Алматы қ. РФММ оқушысы орналасты. Рапид ойынымен шектелмей, Сүлеймен Ерғали блиц бойынша 16 жасқа дейінгі санатта бірінші орынды иеленді, ал Ахилбай Иманғали классикадағы қазақстандық қатысушылар арасында үздік нәтиже көрсетті.

Сондай-ақ Астана қ. РФММ оқушылары Анетов Әміржан, 2-сынып, 8 жасқа дейінгі санатта, Анетов Айсұлтан, 4-сынып, 10 жасқа дейінгі санатта, Айтен Ислам, 8-сынып, 14 жасқа дейінгі санатта, Алеманова Ясмин, 8-сынып, 14 жасқа дейінгі санатта жақсы өнер көрсетті.

Біздің балаларды, Қазақстандық шахмат федерациясын және барлық жанкүйерлерді керемет жетістіктерімен құттықтаймыз! Олардың кәсіби шеберлігі, дайындықтағы табандылығы және жеңіске деген ұмтылысы Қазақстандағы барлық жас шахматшылар үшін шабыт болып табылады. Оларға болашақ жарыстарда сәттілік пен жеңістер тілейміз!