Білім күніне арналған салтанатты жиын

Бүгін мектебімізде Білім күніне арналған салтанатты жиын өтті.

Биылғы жыл кемел келешекке аяқ басқан еліміз үшін елеулі оқиғаларға толы болмақ. Ахмет Байтұрсынұлының туылғанына 150 жылдығы, Мұхтар Ауезовтің туылғанына 125 жыл, Роза Бағланованың туылғанына 100 жыл, Қаз дауысты Қазыбек бидің туылғанына 355 жыл, мемлекеттік рәміздерімізге 30 жыл, Д. Қонаевтың туылғанына 110 жыл толып жатыр.

Сонымен қатар, елу жылда ел жаңа демекші, біздің қара шаңырақ мектебіміз үшін, жаңа оқу жылы ерекше. Мектебіміз 50 жылдық мерейтойын өткізеді.

Іс-шара барысында мектеп директоры Кунгожин Алмаз Мухамбетұлы ұстаздармен ата-аналарды құттықтады, оқушылардың жетістігіне тоқталып, болашақ жоспарлармен бөлісті. Мектептің Қамқоршылық Кеңесінің мүшесі Оспанов Бахыт Насрадинұлы оқушыларға жаңа оқу жылында сәттілік тілеп, жылы лебізін білдірді.