Ашық есік күні

15 қазанда Алматы мектебімізде РФММ ардагерлері мен түлектерге арналған ашық есік күні өтті.

Қымбатты қонақтарымызға арнап бас және жаңа корпус, интернат пен жаңа кампус аумағында экскурсия жүргізілді. 9-11 сыныптардан жиналған гид-еріктілердің көмегімен қонақтар өздерінің өткеніне шомып, бұрын оқыған кабинеттерге кіріп, мектептің 50-жылдығына арналған тақырыптық фотозоналарды көріп қайтты. Тіпті кейбірі журналда қойылған бағаларын көріп үлгерді. Жаңа корпусқа экскурсия кезінде мұғалімдердің жетістіктерінің, мектеп кеңесі мен оқушылар клубтарының көрмесі ұйымдастырылды. Қонақтар олимпиадалық деңгейдегі есептерді шешіп, викторина мен басқа интеллектуалды және ойын түрлеріне қатысты. Осылайша қонақтарымыз аз уақытқа болсын жастық шаққа оралып, достары мен мұғалімдерімен бірге өткізген күндерді ерекше жылулықпен еске алды. Мектептің мерейтойына ТМД-ның түкпір-түкпірінен арнайы жиналған ардагер мұғалімдерге арналып мерекелік дастархан жайылды. Үстел үстінде ұстаздарымыз әріптестері мен оқушыларын, мектеп қабырғасында болған қызықты оқиғаларды еске алып, шер тарқатты.

РФММ ардагерлері мен құрметті түлектер!
Сіздерді мектебіміздің 50-жылдығымен құттықтаймыз және сіздерге есігіміз әрдайым ашық!