Яндекс Лицейдің 2019 оқу жылының үздік түлектерін марапаттауы

12 мамырдан бастап 16 мамырды қоса алғанда Яндекс компаниясы Яндекс Лицейдің 2019 оқу жылының үздік түлектерін марапаттау рәсімін өткізді. Салтанатты іс-шараға Яндекс Лицейдің Ресей, Қазақстан, Грузия елдерінен келген үздік түлектері шақырылды. Қазақстанның атынан іс-шараға келесі үздік түлектер қатысты: Санжар Махмут (Алматы РФММ), Никита Слесарский (Алматы РФММ), Артём Макаров (Алматы РФММ), Илья Салаватов (Алматы РФММ), Нұрмахан Бахтияр (Нұр-Сұлтан РФММ). Яндекс компаниясы іс-сапарларын толықтай төледі.

4 күн ішінде әр түрлі іс-шаралар өткізілді – Мәскеу қ. орналасқан Яндекстің бас кеңсесі бойынша таныстыру саяхаты, digital art әзірлеу үшін touchdesigner бағдарламасы бойынша шеберлік класс, хакатон, жобаларды ұсыну, оқушыларға арналған стартап жобаларын ұйымдастыру туралы ұстаздарға арналған шеберлік класстар жүргізілді. Хакатонда оқушылар дербес веб-сервистен бастап телеграммботқа дейінгі әр түрлі техникалық тапсырмаларды шешті, хакатонның ұзақтығы 10 сағатты құрады, ПФММ командалары 26 команданың арасында 4 және 7 орынды алды. Яндекс Лицейдің ең үздік түлектері ұсынған 90 жобаның арасында Нұрмахан Бахтиярдың жобасы үздік болып таңдалды және көпшілік алдында ұсынылды. Осы жылы Қазақстанда Яндекс Лицейдің тұңғыш шығарылымы өткізілді. 2017 жылы аталған жобаны Қазақстанда Аркадий Волож («Яндекс» компаниялар тобының негізін қалаушылардың бірі және бас директоры – РФММ түлегі) жеке ашқан.