7-сыныптарға арналған конкурстық іріктеу нәтижесі туралы ақпарат
2026 жылғы 25 сәуірде «РФММ» КеАҚ-тың Астана және Алматы қалаларындағы филиалдарының 7-сыныптарына мемлекеттік білім беру гранты негізінде оқушыларды қабылдау бойынша конкурстық іріктеу өткізілді. Іріктеу Қазақстанның жеті қаласында ұйымдастырылды.
Үміткерлерге 30 тапсырмадан тұратын тест ұсынылып, ең жоғары балл 150 болды. Тест тапсырмалары ашық жауап форматында беріліп, жауаптар бүтін сан ретінде қабылданды.
Конкурстық іріктеу қазақ және орыс тіліндегі оқыту бөлімдері бойынша бөлек өткізілді. Әр бөлімге жеке тапсырма нұсқалары әзірленіп, емтихан бірыңғай талаптар мен регламент негізінде ұйымдастырылды. Бағалау критерийлері мен өткізу тәртібі барлық үміткерлер үшін бірдей болды, бұл тең мүмкіндік пен әділдікті қамтамасыз етуге бағытталды.
Білім беру гранттарының саны жыл сайын түлектер санына, филиалдардың қабылдау мүмкіндігіне және сыныптарды жасақтау қажеттілігіне сәйкес айқындалады.
Іріктеуге барлығы 8050 үміткер қатысты.
Алматы қаласы:
• Қатысушылар: 2890 / 1509
• Грант саны: 120 / 78
• Шекті балл: 100 / 83
Астана қаласы:
• Қатысушылар: 2076 / 1575
• Грант саны: 49 / 47
• Шекті балл: 114 / 97
РФММ дарынды оқушыларды қолдау және олимпиадалық білім беруді дамыту бағытындағы жұмыстарын жалғастыруда. Халықаралық және республикалық олимпиадалар жеңімпаздарына, «Мың бала» жобасы және ауыл мектептері оқушылары арасындағы жарыс жеңімпаздарына, сондай-ақ Fizmat Chess Open турнирі жеңімпаздарына білім беру гранттары да қарастырылған.
Қазақстан Республикасы Оқу-ағарту министрлігі аталған конкурстық іріктеу нәтижелері бойынша «РФММ» КеАҚ Басқармасына жоғары балл жинағанымен, грантқа өте алмаған оқушылар үшін білім беру гранттарының санын арттыру мүмкіндігін қарастыру туралы тапсырма берді. Сұрақтың шешімі министрліктің бақылауында.
Сізге қызықты болуы мүмкін өзге де жаңалықтар:
Алматы қаласындағы «РФММ» КеАҚ филиалына жаңа директор тағайындалды
Республикалық физика-математика мектебінің Алматы филиалының директоры болып «Математика» мамандығы бойынша PhD докторы Алмаз Мұхамбетұлы Кунгожин тағайындалды. Мейірбек Мейірлан Едігерұлы директор қызметіндегі жұмысын аяқтады….
Хабарландыру
Республикалық физика-математика мектебінде қажетті санитариялық-профилактикалық және залалсыздандыру жұмыстары жүргізілуде. Анықталған ескертулерді жою бойынша тиісті шаралар қабылданып жатыр. Аталған жағдайға байланысты санитариялық-эпидемиологиялық тергеп-тексеру жалғасуда….
FAIO 2026 халықаралық жасанды интеллект олимпиадасының жеңімпаздары марапатталды
Республикалық физика-математика мектебі» КеАҚ ұйымдастыруымен SDU University базасында өткен FAIO 2026 (Fizmat AI Olympiad) халықаралық жасанды интеллект және машиналық оқыту олимпиадасы өз мәресіне…
Қазақстанда 15 елдің оқушылары жасанды интеллект бойынша FAIO 2026 олимпиадасында бақ сынауда
Алматы, 2026 жылғы 26 қазан. Қаскелең қаласындағы SDU University базасында жасанды интеллект және машиналық оқыту бойынша FAIO 2026 мектеп олимпиадасының финалдық кезеңі басталды….
РФММ оқушысы SAT емтиханынан ең жоғары 1600 балл жинады
Республикалық физика-математика мектебінің 11-сынып оқушысы Ырысдәулет Баймұханбетов халықаралық SAT емтиханынан мүмкін болған 1600 балдың барлығын жинады. Бұл – үздік нәтиже, өйткені емтиханға қатысушылардың…
Үміткерлер назарына: Қабылдау емтиханы келесі аптаға ауыстырылды
Құрметті үміткерлер! 2026 жылғы 17 қазанға жоспарланған қабылдау емтиханының ұйымдастырушылық себептерге байланысты келесі аптаға ауыстырылғанын хабарлаймыз. Емтиханның нақты өткізілетін күні мен уақыты туралы…
Алматы қаласындағы «РФММ» КеАҚ филиалы уақытша қашықтықтан оқуға жіберілді.
2026 жылғы 12–13 қазан аралығында Алматы қаласындағы «Республикалық физика-математика мектебі» Коммерциялық емес акционерлік қоғамы филиалының оқушылары арасында жедел ішек инфекциясының белгілері тіркелді. 2026…
FAIO FIZMAT AI OLYMPIAD
FAIO 2026: халықаралық олимпиадаға тіркелу ашылды Алматы қаласындағы Республикалық физика-математика мектебі оқушыларды First Almaty AI Olympiad (FAIO) 2026 халықаралық командалық олимпиадасына қатысуға шақырады….
Жаңа кеңістік, жаңа мүмкіндік
Алматы қаласындағы Республикалық физика-математика мектебі филиалының 1972 жылы салынған тарихи ғимараты толық қайта жаңғыртудан өтті. Бұл — мектептің 54 жылдық тарихындағы ғимаратты ауқымды…
РФММ оқушысы Батырхан Бейганов Ақордадағы кездесуге қатысты
Мемлекет басшысы Қасым-Жомарт Тоқаев халықаралық пән олимпиадаларында жоғары нәтиже көрсеткен қазақстандық оқушылар мен студенттерді қабылдады. Кездесуге Республикалық физика-математика мектебінің оқушысы Батырхан Бейганов та…