«Алтын туйин» халықаралық астротурнир өтті.

2023 жылдың 17 – 19 қараша айы аралығында Қырғыстан Республикасы, Чолпан-Ата қаласында, «Алтын туйин» Ұлттық балалар инженерлік-техникалық академиясының ұйымдастыруымен мектеп оқушыларының арасында халықаралық Астротурнир өтті.

Астротурнир мақсаты жас астрономдардың аспан әлемін зерттеуге қызығушылықтарын арттырумен қатар, ғылымды насихаттауға, астрофизика астрономия бойынша білімдерін шыңдауға бағытталған. Астротурнирда мектеп оқушылары астрономия бағытындағы жеке топтық күрделі зерттеулер мен ғылыми жобалары бойынша өз шешімдерін дәлелді ұсынып, оларды астрожарыстарда ғылыми пікірталас ретінде  қорғайды.

Турнирге  барлығы 12 команда, оның ішінде Қазақстан құрамасы да қатысты. Еліміздің құрама командасы Алматы қаласы, РФММ және ФМБ НЗМ оқушыларымен жасақталды.  Аталған байқауда Қазақстан құрама командасы ең көп ұпай жинап, бірінші орынға ие болды. Біздің мектептің абыройын қорғаған жеңімпаз команда оқушылары: Күнғожина Ғазиза, 10А сыныбы; Әлішер Диас, 8D сыныбы.

Қазақстан құрамасын жарысқа дайындаған физика пән мұғалімі Кисыков Елдосты РФМШ мектеп ұжымы алтын жүлделерімен шың жүректен құттықтайды және оларға ғылыми кеңес берген ф.-м.ғ.к., проф. Туреханова Кундуз Моминовнаға алғыс білдереді.