22 қыркүйекте физмат оқушылары «The Princeton Review» өкілі Руслан Лусеромен кездесуге қатысты және SAТ сынақ тестін тапсырды

Біз күткендей мектептің акт залында бірде-бір бос орын қалған жоқ. 9, 10 және 11 сыныптардың оқушылары және олардың ата-аналары презентацияны мұқият тыңдап, Q&A (сұрақтар және жауаптар) сессиясына өте белсенді қатысты. Кездесу барысында Руслан келесі сұрақтарға толық жауап берді – SAT дегеніміз не, қашан∕кімге∕қайда∕неге оны тапсыру қажет, ACT тестімен (басқа тест) салыстыру, The Princeton Review (standardized test prep company) рөлі туралы ақпарат ұсынылды.

Осы күні Физмат оқушылары SAT сынақ тестін тапсыруда өз күшін сынады, тестілеу тегін болды. Тестті өткізудің толық форматы қолданыстағы стандарттарға сәйкес өткізілді және оқушылар тестілеу атмосферасын және тестті тапсыруға қойылатын талаптарды сезінді.

SAT Reasoning Test  (сондай-ақ «Scholastic Aptitude Test» және «Scholastic Assessment Test», сөзбе-сөз «Академиялық бағалау тесті») – АҚШ-тың жоғары оқу орындарына түсуге арналған стандартты тест. College Board коммерциялық емес ұйымы SAT тестін әзірлейді және басқарады. Емтихан студенттердің колледжге дайындығын бағалайды. 1900 жылы құрылған College Board үкіметтік емес ұйымы тестті әзірлейді және өткізеді, ол студенттердің оқу бағдарламаларына түсуге байланысты мәселелерін шешуде АҚШ-тың колледждері мен университеттерінің күштерін үйлестіруге арналған.

The Princeton Review — бұл Нью-Йорк қаласында орналасқан компания, ол білім беру саласында қызметтерді көрсетумен айналысады, оларға тесттерді тапсыруға дайындау, оқу бағдарламалары, оқуға түсіру бойынша қызметтер, кітаптарды, соның ішінде оқу мекемелері жөніндегі анықтамалықтарды басып шығару кіреді.