11 “В”-мен өткен әсерлі жексенбі

11 В сынып оқушылары 4-қазан, жексенбі күні Аюсай сарқырамасына демалуға барып қайтты. Сынып жетекшісі, тәрбиеші, 30 оқушы және ата-аналардың басын қосқан саяхатымыз есте қаларлықтай болды. Әсіресе қашықтықтан оқу кезінде сағынысып қауышқан балалардың алған әсерлері керемет. Өлкеміздің сұлу, қарасаң көз тоймайтын бай табиғатын тамашалап, тәнті болдық. Сарқырамаға көтерілген кезде бір-бірін, тіпті ұстаздарын, басқа адамдарды да демеп, көмектесіп, әзіл-қалжыңы жарасқан топқа таңырқай, қызыға қараушылар да болды. Табиғат анамыз тамаша ауа райын сыйласа, біз бір-бірімізге жүрек жылуын сыйладық десек болады.

4-қазан ұстаздар мерекесі болғандықтан, оқушылар аяулы ұстаздарына  жылы лебіздерін білдіріп, ерекше құттықтаулар жолдады.

Біздің сыныптың оқушыларын, ата-аналарын туған жер табиғатына қамқорлық ретінде РФММ ұжымы ұйымдастырып отырған «2000 емен ағашы» қайырымдылық акциясына қатысуға шақырдық.

Мереке күні ерекше көңіл-күй сыйлаған оқушылар мен ата-аналарға көп рақмет айтып, мықты денсаулық тілейміз.

11 «В» сынып жетекшісі: Кишкеева Қ.С.

Тәрбиеші: Слямова А.Ш.