11.11.22 күні 10-11 сыныптар үшін Fizmat Autumn Charity Ball өтті

10ABCGDEFKL және 11СDEFK сыныптарынан 14 керемет жұп бал қонақтарының назарына полонез және вальс билеп, эстрадалық қойылымдарын көрсетті. Сонымен қатар, сайыскерлер шағын әңгімелесуді қолдай алу қабілетімен жарысты. Қазылар алқасы, өз кезегінде, ханымдар мен мырзалардың талғампаз киімдерін жоғары бағалады.

Конкурстық бөлімнің қорытындысы бойынша балдың патшасы мен патшайымы болып Гагик Ананян мен Фатима Албурина – 11D сыныбының жұбы таңдалды. Ал 10А сыныбының жұбы – Жамбыбай Шұғыла мен Абдрашитов Алан көрермен көзайымы атанды.

Бал 10-11 сынып оқушыларының әсем әндерімен аяқталды.

Қайырымдылық бал форматында іс-шара алғаш рет өткізіліп отыр. Билеттерден және қайырымдылық үлестерден жиналған 170 000 теңге мектеп кеңесінің командасы әзірлейтін FizmatApp қосымшасын әзірлеуге бағытталады. Жақында қосымша Playmarket және AppStore дүкендерінде қолжетімді болады.

Мектеп хореографы – Ж. Н. Қайырбекова мен мектеп кеңесінің мәдениет министрі – Жамиля Дүкенбаеваның жұмысын атап өткіміз келеді. Сондай-ақ, 10-11 сыныптардың барлық сынып жетекшілеріне, кезекші мұғалімдерге, мектеп кеңесіне, еріктілер мен бал қонақтарына алғыс білдіреміз.

11 сынып оқушылары Хрисиди Виктория мен Имбердинов Әлжанға жалпы сомасы 70 000 теңге қайырымдылық үлесі үшін ерекше алғыс айтқымыз келеді.