1 мамыр – Қазақстан халқының бірлігі күніне орай Алматы қаласындағы РФММ-де ұлттар достығын дәріптеген ерекше фестиваль өтті.

Биыл Қазақстан халқы Ассамблеясының құрылғанына – 30 жыл. Біз бәріміз – түрлі тілде сөйлейтінімізге қарамастан, бір шаңырақ астында, ортақ тарих пен құндылықтарды бөліскен ұлт өкілдеріміз. Сондықтан да бұл мереке – жүректерге жылы, тағылымы терең күн.

Фестиваль аясында мектебімізге Қазақстан халқы Ассамблеясының делегациясы мен құрметті қонақтар келіп, жылы лебіздерін білдірді:
* Нәлібаев Жәнібек Бәкірұлы – Алматы қаласы Қоғамдық даму басқармасы «Қоғамдық келісім» КММ директорының орынбасары
* Попова Елена Степановна – Алматы қаласындағы неміс этномәдени бірлестігінің Аналар кеңесінің төрайымы
* Абаева Айжамал – «Мурас» қырғыз этномәдени бірлестігінің өкілі
* Ибрагимов Агали Ниязович – Қазақстан күрдтері қауымдастығы төрағасының орынбасары
* Мамедова Мая Алескаревна – Алматы қаласындағы Қазақстан азербайжандары қауымдастығының Аналар кеңесінің төрайымы
* Лекерова Салтанат Канатовна – Алматы қаласы Қоғамдық даму басқармасы «Қоғамдық келісім» КММ мәдениет, дәстүр және тілдерді оқыту бөлімінің жетекшісі
* Дауд Мохаммад – «Ариана» ауған мәдени орталығының төрағасы

9-сынып оқушылары елімізде тұратын кәріс, қырғыз, өзбек, әзірбайжан, армян, неміс, қазақ, ұйғыр және татар ұлттарының ұлттық биін ерекше шеберлікпен орындап шықты.