Қазақстан командасы IYPT 2025-те

Республикалық физика-математика мектебінің (РФМШ) базасында дайындалған Қазақстан командасы, 29 маусымнан 6 шілдеге дейін Швецияның Лунд қаласында өткен Халықаралық жас физиктер турниріне (IYPT) қатысқанын мақтанышпен хабарлаймыз.

Біздің қатысушылар тәжірибелер жасап, ерекше физикалық тапсырмаларды шешіп, ғылыми дәлелдемелер мен командалық жұмыстағы дағдыларын жетілдірду бойынша көп еңбектенді. Бұл турнир тек интеллектуалдық сынақ қана емес, сонымен қатар шабыт пен даму көзі болды.

Биыл IYPT-ке әлемнің 36 командасы қатысты, бәсеке бұрынғыдан да жоғары деңгейде өтті. Біздің команда финалға өткен және әлемнің ең мықты он командасының қатарына енген командалармен жарысты. Тапсырмалар тақырыбы магниттік жүйелер динамикасынан бастап, күрделі акустикалық құбылыстарға дейін кең ауқымды қамтыды, бұл қатысушылардан терең білім, шығармашылық және ғылыми дәлдік талап етті.

Турнирдің қиындығына қарамастан, біздің команда Қазақстанды лайықты деңгейде танытып, ерекше халықаралық ғылыми қарым-қатынас тәжірибесін алды, ол болашақ жетістіктердің мықты негізі болары анық.

«Біз үшін бұл жай ғана жарыс емес — бұл өсуге, үйренуге және ғылымнан шабыт алуға мүмкіндік», — дейді қатысушылар.

РФМШ командаға демеуші көрсеткен “PSI ENGINEERING” ЖШС-ға және әр кезеңде қолдау көрсеткен барлық жаттықтырушыларға, тәлімгерлерге, ата-аналарға алғысын білдіреді.

Турнир ұйымдастырушыларына жылы қабылдауы, жоғары деңгейдегі ұйымдастырылуы және осы жаһандық ғылыми оқиғаға қатысу мүмкіндігі үшін ерекше алғыс айтамыз.

Біз оқушыларымызбен мақтанамыз және олардың үлкен ғылыми болашағына сенеміз!

Келесі Халықаралық жас физиктер турнирі (IYPT 2026) Швейцарияның Цюрих қаласында өтеді. Біз жаңа талантты қатысушылардың келуін асыға күтеміз және қызығушылық танытқан барлық мектеп оқушыларын дайындыққа қосылып, Қазақстан командасының құрамына қосылуға шақырамыз!