Информатика бойынша еуропалық жасөспірімдер олимпиадасындағы алтын медаль иегері (Грузия, Тбилиси, 2-6 қыркүйек)

Алматы РФММ 9 “F” сынып оқушысы Ли Ван Қазақстан құрама командасының құрамында 2-6 қыркүйек аралығында онлайн форматта өткен Информатика бойынша еуропалық жасөспірімдер олимпиадасына (European Junior Olympiad in Informatics (EJOI) қатысты. Пандемияға байланысты өткізу қиындықтарына қарамастан, биыл төртінші рет өткізілген олимпиаданы Грузия ұйымдастырды. Биыл олимпиадаға 27 елден 92 оқушы қатысты. Алдыңғы EJOI олимпиадалары Болгарияда (2017ж.), Татарстанда (2018ж.) және Словенияда (2019ж.) өткізілді.

Екі турдың нәтижесі бойынша Ван өте жақсы нәтиже көрсетіп, 92 қатысушы арасында бесінші орынды иеленіп, алтын медаль жеңіп алды. Қазақстан құрамасының қалған 3 қатысушысы да команданың қоржынына 1 күміс және 2 қола медаль әкелді.

Ли Ванды, оның туыстарын, сондай-ақ жаттықтырушы Ескендір Сұлтановты және РФММ барлық мұғалімдері мен оқушыларын халықаралық жарыстарда кезекті жеңісімен құттықтаймыз!

https://www.ejoi2020.ge/ https://www.ejoi2020.ge/static/assets/official/Rankings/Ranking.html