“Жасыл Вектор” фотосуреттер байқауының жеңімпазы

11С сынып оқушысы Өмірзақ Қымбат Қазақстандық Ұлттық ЮНЕСКО Клубтарының Федерациясының ұйымдастырған “Green Step” Ұлттық Әлеуметтік науқаны аясында жүзеге асырылған “Жасыл Вектор” Республикалық сурет және фотосуреттер байқауының жеңімпазы болды.

Байқау ұйымдастырушылары @unescoclubskz және @totalenergies_kz бұл жұмыстар халықтың экологиялық мәдениетін тәрбиелеуге, эко-ойлауды қалыптастыруға және бейбітшілікті сақтауда өз үлестерін қосуға көмектеседі деп сенеді.

Өз жұмысымен Қымбат “Мұндағы киттің қоқыстарды жинауы – адамзаттың санасыздығының нәтижесі. Жоғарғы қоғамның басты экологиялық мәселелерді ысыра қоюының себебінен экосистема нашарлауда. Сондықтан мен барша қауымның назарын аудару мақсатында сатира жүзінде жан-жануардың табиғатты қорғауын бейнеледім” – деп айтқысы келеді.
Қымбатты жеңісімен құттықтаймыз, шығармашылықта және оқуда жетістіктерге жете беруін тілейміз!