Алматы РФММ оқушылары «Almaty Tech СUP» және «WRO 2019» сайыстарына қатысты

Ағымдағы жылдың 26-27 сәуірінде Алматы қаласында «Almaty Tech cup» және «WRO 2019» сайыстары өткізілді. Жыл сайын Чемпионат өзінің ерекше инженерлік жобаларын, білімдерін көрсететін 7 жастан 21 жасқа дейінгі қатысушыларды өз алаңына жинайды, олар сондай-ақ Чемпионаттың алаңында робототехника, жаңа технологиялар және бағдарламалау салаларында сайысады.

Алғаш рет TechCup сайысы 2014 жылы өткізілген болатын. Жылдар өте Чемпионаттың ауқымы 20 командадан 250 командаға дейін кеңейді, ал қатысушылардың саны 1200 адамнан асты.

World Robot Olympiad – бұл дүние жүзінің шамамен 600 командасы қатысатын робототехника бойынша әлемдік сайыс. Олимпиада келесі үш пән бойынша өтеді: LEGO жиынтығынан роботтарды құрастыру және бағдарламалау, сондай-ақ жаңа технологияларды және ақылды құрылғыларды жасау. Әр номинацияда бірнеше жас санаты бар. Ең кіші жас санаты 10 жасқа дейінгі қатысушыларға есептелген, ал ең жоғарғы жас санаты 19 жасқа дейінгі қатысушыларға есептелген.

Осы жылы Алматы РФММ-нен бірнеше команда қатысты. Біздің мектептің барлық командалары орындарды жеңіп алды.

Бірінші командада 9 «В» сыныбының оқушылары Нұрали Сенғалиев пен Досымжан Қоғабаев болды. Қысқаша айтсақ, олардың жобалары соқыр адамдарға арналған. Жоба соқыр адамдарға қала бойынша өз бетімен қозғалуға мүмкіндік береді. Қазіргі таңда бұл мәселе жиі кездесетіндіктен әділ қазылар алқасы жобаны жоғары бағалады, балалар құрметті екінші орынды алды.

Келесі команда 9 «Б» сыныбының оқушысы Арнур Сыдықтан құралды. Оның жобасы шахта қызметкерлеріне арналған, себебі адамдарға улы газдардың, жоғары температураның және т.б. салдарынан ол жерлерде болу қауіпті болғандықтан, Арнур ауада метанның болу деңгейін, ылғалдылықты, температураны есептей алатын құрылғыны құрастырды. Жоба екінші орынды алды.

Үшінші команданың құрамына Еркебұлан Жақсылыков пен Асентай Ахмед кірді. Олар супермаркеттерге көмектесетін жобаны әзірледі. Бұл – сатып алушы смартфон арқылы басқара алатын конвейер жолағы. Балалар үшінші орынды жеңіп алды.

Соңғы команданың мүшелері Илья Салаватов пен Владислав Загрициенко «Сумо» санатына қатысып, екінші орынды алды.

«Барлығымыз да жетістіктерімізді мақтан тұтамыз және жаңа биіктерді бағындыруға ұмтыламыз!» – деді балалар, ал біз оларға сәттілік, табыстар мен жаңа жеңістер тілейміз!