Тапқырлар алаңы

10 ақпан 2020 жылы Абай атындағы Қазақ педагогикалық университеті физика факультетінің студенттерінің ұйымдастыруымен 10 сынып оқушыларының (интернат тәрбиеленушілері) арасында «Тапқырлар алаңы» ойындары өткізілді. 5 оқушыдан 5 топқа бөлініп, логикалық сұрақтарға жауап беріп, тапсырмаларды уақытқа орындап, суреттерге қарап сөз құрап жарысты. Ойынның ең қызық «изюминкасы» оқушылар президент, министр, завуч, мұғалім, директор болып бөлініп, өз қызметтеріне қарай қарсылас командалар мүшесімен таласқа түскені. Студенттер тапсырмаларды өте жақсы ұйымдастырып, өз жұмыстарын жақсы атқарып, оқушыларды ұйымдастырған тәрбиешілер Слямова А.Ш., Нусипова Ш.Ш., Меделова С.Д. алғыстарын білдіріп, іс-шараны қызықты өткізді. Ойынның соңында интернат тәрбиеленушілері мен студенттер бір-біріне жақсы тілектер айтып, тамаша көңіл-күймен тарқасты.