Қазақстан Республикасының Президенті Қасым-Жомарт Тоқаев «Жұмысшы мамандықтарының қаласы» фестивалінде болып, мектеп оқушылармен жүздесті.

Республикалық физика-математика мектебінің шәкірттері де Мемлекет Басшысымен кездесіп, сұқбаттасуға мүмкіндік алды.

Оның қатарында «РФММ» КеАҚ Алматы қаласындағы филиалының оқушылары: Тұраш Әділет, Серикбаев Асанәлі, Өмірзақ Саният, Хасен Сұлтан, Алмазұлы Айбат, Еримбетов Алиби бар. Бұл оқушылар «Хакатон» ғылыми жобалар жарысының қатысушылары және Алматыдан арнайы келген физматтықтар «Жұмысшы мамандықтарының қаласы» фестиваліне қатысуды мақсат еткен.

Болашақ жас ғалымдардың бірі – Айбат Алмазұлы құрметті қонақтар алдында өзі зерттеп жүрген жобасы жайлы баяндап, оның маңызына тоқталды.
Республикалық физика-математика мектебі оқушысының жобасы жұмысшылардың кәсіби жарақат алу көрсеткішін қысқартуға бағытталған.

Мемлекет Басшысымен өткен кездесуден оқушылар үлкен әсер алды. Ел үшін маңызды тақырыпта Президенттің пікірін білуге мүмкіндік берген кездесу олардың естерінде ерекше тарихи оқиға болып сақталатындығы анық.