«Физтех» Олимпиадасы

Россотрудничество және Мәскеу физика-техникалық институты

Сіздерді физика мен математикадан «Физтех» 2020 Олимпиадаға

https://olymp-online.mipt.ru/ сайтында

қатысуға шақырады !

МФТИ туралы не білу керек?

Мәскеу физика-техникалық институты – іргелі және қолданбалы физика, математика, информатика, химия, биология, компьютерлік технологиялар сонымен қатар басқа да жаратылыстану  және нақты ғылымдар бойынша оқытатын алдыңғы қатарлы ғылыми орталық. 90 озық зертханаларда қартаю және жас аурулары, қолданбалы және іргелі физика, нанооптика, фотоника және т.б. мәселелерін зерттейтін әлемдік аты бар ғалымдар жұмыс істейді.

МФТИ түлектерінің арасында — Нобель лауреаттары Андрей Гейм және Константин Новоселов, ABBYYY компаниясының негізін қалаушы Давид Ян, Veam Software негізін қалаушы және президенті Ратмир Тимашев, Revolut компаниясының негізін қалаушы Николай Сторонский, РФ Президенті сыйлығының және Берлиндегі Falling Walls Халықаралық жас инноваторлар конкурсының лауреаты Максим Никитин, ғарышкерлер Александр Калери, Юрий Батурин және Александр Серебров.

«Физтех» олимпиадасы дегеніміз не?

“Физтех”  олимпиадасы – 30 жылдан астам 9-11 сынып оқушылары арасындағы өткізілетін олимпиада.

Жыл сайын Физтех олимпиадасының қорытынды кезеңінің шетел жеңімпаздары мен жүлдегерлері үшін Ресей Федерациясының Үкіметі мен Россотрудничество МФТИ-де және Ресей Федерациясының басқа да жетекші жоғары оқу орындарында тегін оқуға квота бөледі.

Олимпиадаға қалай қатысуға болады?

“Физтех” олимпиадасы математика мен физикадан бөлек екі кезеңде өтеді. Қорытынды кезеңге өту үшін әр пән бойынша іріктеу кезеңдерінің бірінде жеңімпаз немесе жүлдегер болу қажет.  9-11 сынып оқушылары 2019 ж. 15 қазан мен 2020 ж. 02 ақпан аралығында “Физтех” олимпиадасының іріктеу онлайн-кезеңіне қатыса алады. Іріктеу кезеңдері туралы толық ақпаратты мына сілтеме бойынша табуға болады olymp.mipt.ru/olympiad/stages.

Қорытынды (күндізгі) кезең Ресейдің көптеген қалаларында және жақын және алыс шетелдерде математикадан-22 ақпан, физикадан-23 ақпан күндері өтеді.

Қорытынды кезеңіне қатысу үшін міндетті түрде тіркеу процедурасынан олимпиаданың ресми сайтында olymp.mipt.ru 2020 жылдың 16 ақпаны сағат 23:59 (мәскеу уақыты бойынша) мерзіміне дейін өту қажет. Тіркеу қаңтар айының соңында-ақпан айының басында ашылады.

Тіркеу барысында өз деректерін көрсетіп, іріктеу кезеңдеріне қатысу нәтижесін растап, қатысу орнын таңдап және тіркеу нөмірі мен сауалнаманы алу қажет.

Назар аударыңыз! Тіркелу рәсімінен соңына дейін өтпеген оқушылар олимпиадаға қатысуға жіберілмейді.

Сәттілік тілейміз!