Математика пәні бойынша халықаралық қалалар жарысы

Математика пәні бойынша Халықаралық қалалар жарысы

2018 жылдың 11 наурызында әл-Фараби атындағы ҚазҰУ Механика-математика факультетінде 39-шы Қалалар жарысының көктемгі турының Қиын нұсқасы өтеді.

Олимпиада сағат 10:00 басталады. Тіркеу сағат 9:30 басталады. Олимпиаданы орындау уақыты – 5 сағат. Өзімен бірге жұқа тор көз дәптерлерді, жазба құралдарын, сусын және шағын тамақ алу қажет.

Қиын нұсқаға кемінде 5 ұпай (қос лигада) жинаған (коэффициенттерді ескере отырып) оқушылар шақырылады. Жалпы нәтижелерді мұнда қараңыз. Олардан РФММ оқушыларының тізімін төменде қараңыз.

Қалалар жарысы – 1980 жылдан бастап жыл сайын өткізілетін оқушыларға арналған математика пәні бойынша халықаралық олимпиада. Есептер 8-11 сыныптардың оқушыларына арналған. Қалалар жарысының ерекшелігі, оның спорттық табысқа емес, есептер бойынша тереңдетілген жұмысқа бағытталуында, яғни зерттеушілік жұмысқа қажетті қабілеттерді дамытуында.

Өткен жылдардың есептерін www.turgor.ru Қалалар жарысының ресми сайтында, сондай-ақ www.problems.ru (http://problems.ru/view_by_source_new.php?parent=187098) сайтында табуға болады. Шешімдері бар есептерді сондай-ақ келесі кітаптардан табуға болады: «Турнир городов: мир математики в задачах», авторлары: Медников Л.Э., Шаповалов А.В.; «Тысяча задач Международного математического Турнира городов», авторы: Толпыго А.К.