Fizmat Elemetary Math Olympiad Almaty

Алматы қ. математика пәнінен 1-4 сынып оқушыларына арналған «Fizmat Elementary Math Olympiad (FEMO)» олимпиадасына қатысу ережесі

 Құрметті Олимпиада сүйер қауым! Алматы қаласында алғаш рет бастауыш сыныптардың оқушыларына арналған математика пәні бойынша дәстүрге айналып кеткен «FEMO» олимпиадасы өткізіледі.

Олимпиаданы ұйымдастырушы:  «Республикалық физика-математика мектебі» КеАҚ.

Олимпиаданың басты мақсаты: математика пәніне деген қызығушылықты арттыру; балалардың  өз бетімен білім алу ниеті мен икемділігін  дамыту және оны тәжірибе жүзінде қолдана білу; деңгейі күрделі стандартты емес сипаттағы  тапсырмаларды дұрыс қабылдау; таныс емес жағдайда жұмыс жасауда  психологиялық жүктемені жеңу.

Тіркелу  www.olympiads.fizmat.kz сілтемесі арқылы 2019 жылдың 24 қаңтарынан бастап 31 қаңтарына сағат 10.00 (жергілікті уақыт) дейін жүргізіледі.

Олимпиада өтетін күн: 2019 жылдың 3 ақпаны.

Басталу уақыты: сағат 9.00 (1-2 сыныптар); сағат 11.00 (3-4 сыныптар).

Ұзақтығы: 60 мин.

Есеп саны: 10.

Олимпиада тілдері: қазақ немесе орыс (таңдау бойынша).

Өтетін орны: Алматы қ., Бұхар жырау бульвары 36, Байзақов көшесінің қиылысы  (РФММ ғимараты)

Қатысу бағасы: тегін

Қандай да бір себептермен олимпиадаға тіркелмеген оқушылар оған ҚАТЫСА АЛМАЙДЫ. 

Олимпиаданың ұйымдастырушылық комитеті тіркеуді аяқтау мерзімін өзгерту құқығын өзіне қалдырады. 

Нәтижелер дербес есепке алынады және 14 ақпанда тіркеу кезінде көрсетілген жеке электрондық пошта мекенжайына жіберіледі. 

Қатысушылар өзімен бірге келесі керек-жарақтарды алып келу керек: кеңсе жабдықтарын, 12 беттік тор көз дәптер, қажет болса шағын тамақ. 

Жеңімпаздар мен жүлдегерлер олимпиаданың тапсырмаларын орындау кезінде жинаған ұпай сомасы бойынша анықталады. 2019 жылдың 16 ақпанында олимпиадаға табысты қатысқандығы үшін дипломдар мен грамоталар мұғалімдерге беріледі. Толығырақ ақпарат алу үшін femo@fizmat.kz электронды мекенжайына жазыңыз.