РФММ Қамқоршылық кеңесінің отырысы

2019 жылдың 25 сәуірінде Нұр-Сұлтан қаласында ҚР Ұлттық Банкінің төрағасы Ерболат Досаевтың, Нұр-Сұлтан қаласының әкімі Бахыт Сұлтановтың, «РФММ» КеАҚ Директорлар кеңесінің төрағасы Берік Қаниевтің және кеңестің басқа мүшелерінің қатысуымен РФММ Қамқоршылық кеңесінің отырысы өтті. Отырысқа сондай-ақ Физмат Эндаумент Қорының басқарушысы Бахыт Оспанов, «РФММ» КеАҚ басқарма төрағасы Ғабит Бекахметов, Астана РФММ және Алматы РФММ директорлары және Астана РФММ жас мұғалімдері қатысты.

Қамқоршылық кеңес ағымдағы мәселелерді және Нұр-Сұлтан және Алматы қалаларында мектептерді дамытудың болашағын талқылады. Отырыстың барысында талқылауға РФММ даму стратегиясының жобасы ұсынылды. Сонымен қатар, екі мектептің бюджеттен тыс бастамаларына қолдау көрсететін Физмат Эндаумент Қордың қызмет нәтижелері ұсынылды. Соңғы 3 жылда Қордың қызметін РФММ түлектері және оқушылардың ата-аналары, сондай-ақ қазақстандық компаниялар қолдады. Физмат Эндаумент Қордың қызметі туралы толық ақпаратты http://endowmentfund.fizmat.kz/ сілтемесі арқылы өтіп таба аласыз. Егер Сіз РФММ табыстары мен жаңалықтары туралы білгіңіз келсе, http://bit.do/fizmatnews сілтемесі бойынша форманы толтырып, байланыс деректеріңізді жіберіңіз.