XIX Ашық Қалалық Жәутіков олимпиадасы

Құрметті олимпиадалардың жанашырлары! Дәстүрге айналған Ашық Қалалық Жәутіков олимпиадасы бұрынғыдай келесі үш пән бойынша өтеді: математика пәні (6-8 сыныптар), физика пәні (7-8 сыныптар) және информатика пәні (6-8 сыныптар).

Олимпиаданың негізгі мақсаттары мен міндеттеріне мыналар жатады: математика, физика, информатика пәндеріне қызығушылық танытатын оқушыларды анықтау, олардың шығармашылық қабілеттерін және ғылыми қызметке қызығушылығын дамыту, дарынды балаларды қолдау үшін қажетті жағдайларды жасау.

Олимпиада екі кезеңнен тұрады: І кезең – интернет арқылы онлайн (осы кезеңде қатысушының жұмыс орнының бейне көрсетілімін қамтамасыз ету қажет), ал ІІ кезең Алматы қ. және Астана қ. РФММ негізінде қатысушының тікелей келіп қатысуымен өтеді. Әрбір кезең екі турдан өтетін болады.

I (онлайн) кезең:

1 тур: 8 сәуірден бастап 19 сәуірді қоса алғанда қатысушыларды тіркеу http://olympiads.fizmat.kz/ сайтында өтеді.

Тур 21 сәуірде өтеді:

• математика пәні бойынша сағат 09:00 бастап сағат 11:00 дейін;
• физика пәні бойынша сағат 09:00 бастап сағат 11:00 дейін;
• информатика пәні бойынша сағат 09:00 сағат 12:00 дейін.

2 тур: 22 сәуірден бастап 26 сәуірді қоса алғанда қосымша қатысушыларды тіркеу http://olympiads.fizmat.kz/ сайтында өтетін болады. 1 турдың қатысушылары автоматты түрде 2 турға тіркелетін болады.

Тур 28 сәуірде өтеді.

• математика пәні бойынша сағат 09:00 бастап сағат 11:00 дейін;
• физика пәні бойынша сағат 9:00 бастап сағат 11:00 дейін;
• информатика пәні бойынша сағат 09:00 сағат 12:00 дейін.

Қандай да бір себептермен олимпиаданың 1 онлайн турына қатыса алмаған оқушылар, тіркелу арқылы 2 онлайн турға қатыса алады.

І кезеңнің нәтижелері бойынша ІІ кезеңнің қатысушылары анықталады. Осы ретте І кезеңнің екі турының бірінің ең үздік нәтижесі есепке алынатын болады. ІІ кезеңнің қатысушылары http://olympiads.fizmat.kz/ сайтында жарияланатын болады. XVIII Ашық Қалалық Жәутіков олимпиадасының, Эйлер атындағы олимпиаданың қорытынды кезеңінің, «Бірлік формуласы/Үшінші мыңжылдық» олимпиадасының қорытынды кезеңінің жеңімпаздары мен жүлдегерлері бірінші (онлайн) кезеңге қатыспай, Ашық Қалалық Жәутіков олимпиадасының екінші (тікелей қатысу) кезеңіне жіберіледі. Бұл оқушыларға http://olympiads.fizmat.kz/ сайтында сканерден өткізілген диплом көшірмесін жүктеу арқылы тіркелу қажет!

II (тікелей қатысу) кезеңі:

ІІ кезеңге өткен қатысушылар 4 мамырда сағат 15:00 бастап сағат 18:30 дейін және 5 мамырда сағат 15:00 бастап сағат 18:30 дейін Алматы қ.  және Астана қ. РФММ негізінде өтетін ІІ кезеңге тікелей қатыса алады.

Қатысушы өзімен бірге келесі заттарды алып келу қажет: жазба құралдарын, 12 беттік тор көз дәптерді, қажет болса кішкене тамақ. Қатысушылар үш пәннің бірі бойынша онлайн турға қатыса алады. Сонымен қатар, тікелей қатысатын кезеңде да қатысушы тек БІР пәнді таңдауы тиіс.

Олимпиаданың қорытындылары жеке есепте шығарлады.

Апелляция 12 мамырда сағат 10:00 бастап сағат 13:00 дейін өтеді.

Марапаттау рәсімі 12 мамырда сағат 15:00 өтеді.

 Жеңімпаздар мен жүлдегерлер олимпиаданың ІІ кезеңінің екі турының тапсырмаларын орындағаны үшін жинаған ұпайлардың саны бойынша анықталады. Олимпиадада ең үздік нәтижелер көрсеткен қатысушылар I, II және III дәрежелі дипломдармен марапатталады.

Егер сұрақтарыңыз болса, келесі электронды пошталарға хат жазу арқылы оларды қоя аласыз: askhat.karim@fizmat.kz (Алматы) және olympiads@fizmat.kz (Астана).

Тіркеуге сілтеме: http://bit.do/ogzho