Жас геолог! 9-11 сынып оқушыларына арналған ақпарат!

Қазір сіздердің өмірлеріңізде күрделі және жауапты кезең – мектепті аяқтау және көп жағдайда сіздердің болашақ өмір жолдарыңызды анықтайтын мамандықты және жоғары оқу орнын таңдау. Өздеріңіздің болашақ мамандықтарыңызды таңдаған кезде, сіздер бірінші кезекте, қандай мамандықтардың болашағы зор және еңбек нарығында қандай мамандықтардың талап етілетіндігі туралы білулеріңіз керек, сондай-ақ әлемдік стандарттарға сәйкес келетін шындығында беделді жоғары білімді қайдан алуға болатындығын шешулеріңіз қажет.

Қазақстан пайдалы қазбалардың негізгі қатты түрлерінің зерттелген қорлары бойынша әлемде жетекші орындардың бірін алады. Қазіргі таңда еңбек нарығында геологтардың үлкен жетіспеушілігі орын алады. Еліміздің үздік техникалық жоғары оқу орны болып саналатын Қазақстан-Британ техникалық университетіне оқуға түсіп және геолог мамандығын таңдаңыз, сіздер дұрыс таңдау жасайсыз.

Кәсіптік бағдар жүргізу және оқушыларды ҚБТУ-ге оқуға түсуге дайындау мақсатында арнайы сіздер үшін «Геология және пайдалы қазбаларды барлау» факультетінде «Жас геолог» мектебі ашылатындығы туралы хабарлаймыз, ол сіздердің мектептегі сабақ кестелеріңізді ескере отырып жұмыс жасайды. «Жас геолог» мектебіне сұхбаттасу нәтижелері бойынша барлық мектептердің жоғарғы сынып оқушылары қабылданады.

Факультеттің жетекші ұстаздары – өз ісінің мамандары, олардың ұстаздық салада және геология саласында үлкен тәжірибесі бар, олар ҚБТУ негізінде оқушыларға сабақ жүргізетін болады. Оқушылар жалпы геология, минералогия, құрылымдық геология және мектепте оқытылмайтын геология циклінің басқа да пәндері бойынша дәрістер және практикалық сабақтар өтеді. Зертханалық және тәжірибелік сабақтар минералдардың, тау жыныстарының, тілімтастардың, кеспетастардың және өзге де материалдардың бай топтамасымен жарақталған оқу зертханаларында өтетін болады. «Жас геолог» мектебі ақысыз негізде жұмыс жасайтын болады.

«Жас геолог» мектебінде оқушылар тек теориялық білімді ғана алып қоймай, сондай-ақ дала зерттеулерін жүргізу, материалдарды жинау және зерттеу жобаларын жүргізу бойынша тәжірибелік дағдыларды иеленеді. Балалар зерттеу жобаларының нәтижелерін ғылыми конференцияларда және байқауларда ұсынатын болады, факультеттің профессорлық-ұстаздық құрамы оларды бұл іс-шараларға дайындайды.

Қатысуға ниет білдірген барлық оқушылар шақырылады!