РФММ-де ЖҚТБ-ға қарсы күрес пен оңалту орталығының маманымен кездесу өтті

04.02.2019 ж. Алматы қ. «РФММ» КеАҚ қабырғаларында әлеуметтік педагог З.К. Дюсупованың және мектеп дәрігері А. М. Торғаеваның қатысуымен, ЖҚТБ-ға қарсы күрес пен оңалту орталығының маманы П. Н. Кумисбекпен кездесу өтті. Дәрістің тақырыбы: «ЖҚТБ-инфекциясын алдын алу».

Аталған іс-шараның мақсаты: жоғары сынып оқушыларында адамның өміріне нақты қауіп тудыратын ауру ретінде ЖҚТБ туралы түсінікті қалыптастыру, өзіне, өзінің денсаулығына деген қамқор қарым-қатынасты тәрбиелеу және жас ұрпақты салауатты өмір салтын жүргізуге үйрету.

Дәрігер оқушыларды ЖҚТБ-инфекциясының әлемде таралу мәселесімен, вирустың таралу жолдарымен және оны алдын-алу шараларымен таныстырды. Оқушылар бұл қауіпті аурудың тарихы туралы білді, сондай-ақ ЖҚТБ-инфекциясына тестілеуден өту маңыздылығына көз жеткізді.