Оқушылар арасында информатика пәнінен X Еуразиялық олимпиада

ҚР Білім және ғылым министрлігінің «Дарын» республикалық ғылыми-практикалық орталығы сіздердің назарларыңызға келесі мәліметтерді хабардар етеді. Білім беру саласындағы үкімет аралық келісімдердің, сондай-ақ Санкт-Петербург ұлттық ақпараттық технологиялар, механика мен оптика зерттеу университетімен жасалған ынтымақтастық туралы шарттың негізінде «Дарын» республикалық ғылыми-практикалық орталығы оқушылар арасында информатика пәнінен X Еуразиялық олимпиаданы (бұдан әрі – Олимпиада) өткізеді.

Олимпиаданың негізгі мақсаты оқушылардың ақпараттық біліктілігін қалыптастыру, оқушылардың ақпараттық мәдениетін дамыту, есептеу ғылымдары, компьютерлік үлгілеу мен ақпараттық технологиялар саласында ең дарынды жастарды анықтау.

Олимпиада екі турдан – іріктеу және қорытынды турлардан өтеді.

Іріктеу интернет-тур 28 қазанда өтті, турдың ұзақтығы 5 сағатты құрады. Командалар аккредитациядан өткен мұғалімнің бақылауымен қатысты.

Сіздердің назарларыңызға іріктеудің ақырғы қорытындыларын ұсынамыз.
http://neerc.ifmo.ru/school/archive/2018-2019/ru-olymp-team-internet-2018-standings-asia.html

Олимпиаданың қорытынды турына 5 және одан жоғары ұпай жинаған 61 команда (Қазақстан, Қырғызстан, Тәжікстан, Өзбекстан) шақырылады. Қорытынды тур 2018 жылдың 8-9 желтоқсаны аралығында әл-Фараби атындағы Қазақ ұлттық университетінің интернет-орталығының негізінде өтетін болады.

Олимпиаданың қорытынды турын өткізу туралы қосымша ақпарат www.daryn.kz сайтында орналасатын болады.