Физика пәнінен 49-шы халықаралық олимпиада (IPhO)

2018 жылдың 21 шілдесінен 29 шілдесін қоса алған мерзімде Португалияда Лиссабон қаласында  Португалия үкіметінің, Португалияның Білім беру министрлігінің, мемлекеттік және жеке серіктестердің қолдауымен Физика пәнінен 49-шы халықаралық олимпиада (IPhO) өтті. Бұл жеке теориялық және тәжірибелік  турлардан тұратын физика пәні бойынша оқушылардың жыл сайынғы ең беделді байқауында «РФММ» КеАҚ 11 сынып оқушысы Алина Гаухар қола медалді жеңіп алды.

Гаухар 2015-2018 жылдардың республикалық олимпиалардың жүлдегері болып табылады, сондай-ақ әр түрлі халықаралық олимпиадалар медалдерінің иегерлері, олардың арасында мыналарды атап өтуге болады: IJSO (Юниорлардың ғылыми олимпиадасы) 2015 – қола, 2016 – күміс, Мегаполистердің  халықаралық олимпиадасы 2016 – күміс, Туймаада (Якутск қаласындағы халықаралық олимпиада), 2016 – алтын,  2017 – күміс, IZhO (Халықаралық Жәутіков олимпиадасы), 2017,  2018 – күміс, APhO (Физика пәнінен Азия олимпиадасы) 2018 – қола, қыздардың арасында ең үздік нәтиже.

Гаухар Қазақстанның тарихында физика пәні бойынша халықаралық олимпидаға қатысқан тұңғыш және әзірше жалғыз қыз бала болып табылатынын қайталап өтеміз. Гаухар білім алу үшін әлемнің жетекші жоғары оқу орындарына шақыруларды алды, алайда KAIST (Корея технологиялық институтында) оқуын одан әрі жалғастыруды жоспарлайды.

Гаухарды құттықтаймыз және оған одан әрі жеңістер мен шығармашылық табыстар тілейміз!