Геометрия пәні бойынша XVI ауызша қалалық олимпиада

2018 жылдың 15 сәуірінде 8-11 сыныптарға арналған Геометрия пәні бойынша XVI ауызша қалалық олимпиада өтеді. Алматы қаласында Олимпиада әл-Фараби атындағы ҚазҰУ-нің Механика-математика факультетінің үлкен залында, ал Астана қаласында РФММ филиалында өтеді. Олимпиада 14.00 басталады.

Олимпиаданы ұйымдастырушы Мәскеу үздіксіз математикалық білім беру орталығы болып табылады. Олимпиада қалалық математикалық олимпиадаларда табысты өзін көрсеткен оқушыларға, сондай-ақ геометрияға қызығатын оқушыларға есептелген.

Геометрия пәні бойынша олимпиада И.Ф. Шарыгиннің құрметіне геометрия пәні бойынша Он үшінші Жалпы ресейлік олимпиаданың шеңберінде өтеді. Оған 8-11 сыныптың оқушылары қатыса алады. Олимпиаданың жүлдегерлері жергілікті ұйымдастырушылық комитеттің дипломдарымен және математикалық әдебиетпен марапатталады. Олимпиаданың жеңімпаздары 8-10 сыныптың оқушылары 2018 жылдың шілдесінің соңында Мәскеу облысындағы Дубна қаласында өтетін И.Ф. Шарыгин атындағы геометрия пәні бойынша Жалпы ресейлік олимпиаданың қорытынды турына шақырылады.

Қатысушылардың үлкен саны күтілетіндіктен 13 сәуірге дейін тіркелу қажет. Тіркелмеген қатысушылар олимпиадаға ЖІБЕРІЛМЕЙДІ! Олимпиада басталғанға дейін қатысушылардың тізімдері шығарылады, онда кабинеттің нөмірі және оның орнының нөмірі көрсетіледі.

www.matol.kz сайтында тіркелу қажет.

Қатысушылар өзімен бірге келесі заттарды иеленуі тиіс: жазба керек-жарақтары, жазбаларға арналған қағаз, шағын тағам.

Геометриялық олимпиаданың ережелері:

Олимпиада екі кезеңнен құралады. Бірінші кезеңде (оның ұзақтығы 2,5 сағат) 4 есеп ұсынылатын болады. Есептер шешілген сайын ауызша тапсырылады. Егер шешім толық көрсетілсе, есеп есептеледі (ешқандай аралық балдар қойылмайды). Әрбір есепті үш реттен артық тапсыруға болмайды.

Қатысушыға бірінші деңгейдің екі есебі есептелгеннен кейін, оған екінші деңгейдің есептері беріледі (олар екеу). Екінші кезеңге 2,5 сағат өткеннен кейін кемінде екі есепті шеше алған оқушылар жіберіледі. Екінші кезең ұқсас ережелер бойынша өткізіледі, бірақ оның ұзақтығы – екі сағат. Екінші кезеңнің есептерімен қатар бұрын тапсырылмаған бірінші кезеңнің есептерін тапсыруға болады.

Олимпиада аяқталғаннан кейін жеңімпаздарды және жүлдегерлерді марапаттау өтеді.

Өткен жылы тек Алматы қаласынан қатысушылардың үлкен саны болды. Олимпиада параллельді Астана, Ижевск, Қазан, Киров, Курган, Краснодар, Магнитогорск, Жаңасібір, Санкт-Петербург, Саратов, Ульяновск, Уфа қалаларында өтті.

Есептердің шарттарымен және шешімдерімен, сондай-ақ өткен жылдардың нәтижелерімен мұнда таныса аласыз.