Жаратылыстану-математикалық бағыттағы жалпы білім беретін пәндер бойынша Республикалық олимпиаданың қорытындылары

2018 жылдың 15 наурызынан бастап 20 наурызын қоса алған мерзімде Атырау қаласында Жаратылыстану-математикалық бағыттағы жалпы білім беретін пәндер бойынша республикалық олимпиада өтті.

Оған Қазақстанның барлық аймақтарынан, Астана және Алматы қалаларынан, республикалық білім беру ұйымдарынан, «Назарбаев Зияткерлік мектептері» автономды білім беру ұйымдарынан 780 оқушыдан құралған 20 команда қатысады. Алматы қ. РФММ командасында 46 оқушы болды, олар математиктер, физиктер, информатиктер, химиктер, биологтар және географтар.

Қазылар алқасы мүшелерінің шешімі бойынша Алматы қ. РФММ 4 оқушысы – І дәрежелі дипломдармен және алтын медальдармен, 9 оқушы – ІІ дәрежелі дипломдармен және күміс медальдармен, 15 оқушы –  ІІІ дәрежелі дипломдармен және қола медальдармен марапатталды.

Осы ретте «Республикалық физика-математикалық мектеп» КеАҚ «Ең үздік олимпиадалық мектеп – 2018» номинациясында марапатталды (ақпарат көзі: «Дарын» РҒПО ресми сайты).

Құттықтаймыз!

Қазіргі таңда ең мықты оқушылар арасында оқу-жаттығу жиындары жүргізіліп жатыр, олардың арасында Алматы қ. 6 оқушы қатысады. Жиын нәтижелері бойынша халықаралық олимпиадаларға қатысу үшін ұлттық жиындар анықталатын болады. Біздің оқушыларға сәттілік және табыс тілейміз!

Алматы қ. РФММ жүлдегер-оқушыларының тізімі төменде көрсетілген: