РФММ оқушысы SAT сынағының биігін бағындырды!

Республикандық физика-математикалық мектебінің Астана қаласындағы филиалының 10-сынып оқушысы Ади Құралов халықаралық SAT сынағында 1600 баллдан 1530 балл жинап, әлемнің ең үздік 1%-ына кірді!

Сарапшылардың талдауы бойынша: Қазақтандық орташа балл — 1232 болса РФММ оқушыларының орташа көрсеткіші — 1258 баллды құрайды. Ади өзінің жоғары нәтижесімен РФММ көрсеткішін жаңғыртты.
Ади — тек SAT сынағының жеңімпазы емес, сондай-ақ бірнеше халықаралық математикалық олимпиадалардың жеңімпазы. Бұл оның математикалық дарынын және ең күрделі есептерді шешудегі жоғары қабілетін көрсетеді.

РФММ өз шәкірттерін қашан да мақтан тұтады. Шәкірт жеңісі — РФММ оқушыларына жоғары деңгейде білім берілетіндігінің айқын айғағы. Адидің алдағы уақытта да жаңа биіктерді бағындырып, үлкен жетістіктерге жететініне сенімдіміз.